Smá update

Netið mitt er komið í lag aftur, thank you lord! ;) og þá er best að koma með smá uppfærslu á slúðrinu. Það er eiginlega út um allt núna:

• Einn segir að 19 okt sé pottþétt með.
• Einhver segir 20 28. okt sé líklega með
• Einhverjir segja að ekki sé byrjað að para
• Einhverjir segja að upplýsingarnar séu bara rétt að detta inn
• Einhverjir segja að upplýsingar komi í þessari viku
• Einhverjir segja að þær komi í næstu viku
• Einhverjir segja að þær komi 8-12 mars

En ferðaleyfin eru samt komin og mín tilfinning er að upplýsingarnar fylgja alltaf fljótlega á eftir

En slúðrið er um allt og nú er bara að setja sig í stellingarnar...

Nýtt slúður

Tölvan mín er enn í böggi en ég get bara ekki staðist þetta slúður. Það nýjasta nýtt er að evrópsku umboðin eru farin að segja að CCAA ætli sér að skila öllum 2005 umsóknum í síðasta lagi í kringum 01 maí 2007. Það er að segja að þeir muni klára árið þá..okt-nóv og des.... það væri gjörsamlega frábært ef það er satt en þá verða þeir að birta stóran skammt næst því annars er þetta ekki möguleiki. Það virðist sem ekkert af USA umboðunum sé farið að segja þetta en alla vega tvö evrópsk. Flest umboðin eru sammála um að það komi ekkert frá þeim í þessari viku og reikna með næstu viku eins og búið er að tala um heillengi. Ég verð að viðurkenna að mér finnst næsta vika soldið spennandi í sambandi við þetta nýja slúður. Að vísu skil ég ekki alveg afhverju það ætti að vera keppikefli að klára fyrir 01 maí en hvað veit ég svo sem ;) kannski af því þá breytast reglurnar og þá væri gott að hafa bara 2006 umsóknir og það sem komið er af árinu 2007? Hvað finnst ykkur hinum? Finnst ykkur þetta vera sennilegt? Eða líklegt?

Basl með ADSL

Afsakið en næstu daga verður eitthvað lítið skrifað því ég er í einhverju bölvuðu basli með Netið mitt

Allt tíðindalaust á vesturvígstöðvunum

Alveg gjörsamlega steinhljótt. Ekki arða af slúðri um upplýsingar.

Það er hinsvegar aðeins verið að velta fyrir sér breytingunum sem eiga að gerast 01 maí næstkomandi og hefur fólk verið að hafa áhyggjur af því hvernig standa eigi að þeim. Hvernig hægt verði að muna hverjir séu komnir inn fyrir nýju reglurnar og hverjir eftir og svo framvegis. En það er eitthvað sem þeir hljóta að vera búnir að útfæra. Ég ætla alla vega ekki að fara að hafa áhyggjur af því núna. Sú saga gengur þó fjöllum hærra núna að allar umsóknir sem koma inn FYRIR 01 maí verði stimplaðar þannig að það sé á hreinu að þær hafi komið inn nógu snemma og það sé því ekki LID fyrir 01 maí eins og fram að þessu hefur verið talið. Ef það er LID fyrir 01 maí má búast við rosalega mörgum umsóknum síðustu vikurnar. En það má víst búast við því samt því margir munu reyna að ná inn fyrir breytingarnar. Skiptir samt miklu máli hvort miðað er við LID eða umsóknin bersast til Kína. Getur munað hálfum eða jafnvel heilum mánuði.. Skil samt ekki alveg afhverju þetta er ekki á hreinu...

Allir í fríi

Jæja þá eru allir í nýársfríi og greinilega ekki neitt verið sent af stað áður en fríið hófst enda var það frekar veik von, en samt þá má leyfa sér að vona. CCAA hefur lokað í viku þannig að það gerist ekkert nýtt í þessari viku.

Slúðrið er frekar rýrt, það eru enn einhverjir að halda fram að nú fari þetta allt að koma og tíminn að styttast á milli LID og upplýsinga. En eitt umboð hefur þó verið að segja að þeir reikni með að biðin komi til með að verða ekki undir 24-25 mánuðum. Úff munið þið eftir því þegar verið var að tala um 16-18 mánuði þá fékk mar hroll og neitaði að trúa þessu bulli en svo erum við á þeim stað í dag að þeir lengstu eru komnir með rúma 16 mánuði og okkar næsti hópur verður alla vega með 18 mánuði í bið. Eða það er allavega líklegt.

Gleðilegt nýtt ár Kína

Í dag er nýársdagur Kínverja og því vel við hæfi að koma með þennan smá fréttabút sem ég fann:
Tvo stærstu farsímafyrirtækin áætla að Kínverjar muni senda rúmlega 14 billjón SMS í tilefni hátíðarinnar. Á vorhátiðinni (Spring festival) 2006 voru send 12,6 billjón SMS sem eru rúmlega 30 skilaboð á hvern gemsa eiganda. Í árslok 2006 voru gemsa áskrifendur orðnir 460+ milljónir og aukast um 11 milljónir á mánuði. Í dag eru þetta um 480 milljón áskrifendur og ef hver þeirra sendir að meðaltali 30 SMS þá eru það 14,4 billjónir skilaboða

haha þetta eru tölur sem maður skilur bara ekki ;)

Smá slúður

Það er nú ekki mikið að gerast í slúðrinu þegar RQ er í burtu en það kom samt smá inn í gær. Það hafa tvö umboð látið hafa eftir sér að þau haldi að byrjað sé að para fyrir næstu upplýsingar en að þær muni ekki berast fyrr en í mars. Annað segir í byrjun mars og hitt segir í kringum miðjan mars.

Biðin enn að lengjast

Í dag á hópur 16 fimmtán mánaða LID afmæli. Það þýðir að enn er biðin að lengjast því hópur 15 beið eftir sínu LID í 14 og hálfan mánuð. Þeir sem hafa beðið lengst eru núna búnir að bíða í 16 mánuði (13.okt o5). Ég mundi því segja að opinberlega sé biðtíminn í dag 16-18 mánuðir en ekki 14-16 eða það hljómar alla vega pólitískt rétt.

Kínverska nýjaárið

Nýtt ár hefst 18 febrúar og þá er ýmis hjátrú í gangi. Það má t.d. ekki klippa hár sitt þann dag og helst ekki þvo það. Ef það er gert þá er hætta á að maður skoli burt heppninni. Það er hinsvegar talið gæfuríkt fyrir árið að klippa sig rétt fyrir nýjaárið og þess vegna er ég búin að panta klippingu í lok vikunnar hehe Það á ekki að vera mikill þvottur þennan dag því vatn skolar burtu. Gott að fá einn dag frí frá hreingerningum! þennan dag fá lika öll börn í kínverskum(asíksum) fjölskyldum nýja peningaeðla í rauðum umslögum. Það er líka tengt heppninni. það eru einhverjar tölur tengdar þessu sem ég kann ekki alveg skil á. Þannig að fólk gefur ekki þá upphæð sem talin er óheilla.

Ferðatöskur og þyngd

Það er ekkert slúður. Og fáir reikna með að það verði sendar upplýsingar áður en nýaársfríið hefst um helgina. So be it og best að snúa sér að öðru.

Ég rakst á skemmtilegar umræður um þyngdina á ferðatöskunum í fluginu innanlands í Kína. Það virðist vera að þyngdin á handfarangri megi vera 10 pund (ekki er óalagengt að ferðatölvur séu 7 pund). Mér skilst að þeir vigti farangurinn ekki alltaf heldur líti á stærðina. Ef handfarangurinn lítur út fyrir að vera þungur eða er stærri en hann komist í hólfið þá skilst mér að gerðar séu athugasemdir. Það veit þetta kannski einhver betur en ég? Hinsvegar eru reglurnar líka orðnar mjög stífar í Evrópufluginu. Í flugi milli London og Frankfurt um daginn þá var ALLUR handfarangur vigtaður og ekki mátti fara með nema einn hlut um borð (eina tösku.. ekki tösku og myndavél eða tölvu og myndavél). Það er því eins gott að búa sig undir að ferðast létt eða þannig ;)

Ekkert nýtt slúður

Nei bara alls ekki neitt. RQ er farin í vinnuferð eitthvað út í rassgat og síðan fer hún að fara til Kína. Hún er búin að setja nokkra í stjórn á síðunni og það er allt lið sem er nokkuð þekkt úr kommentunum og spjallrásunum hennar. Einn meðal annars úr nóvember grúbbunni. Maður veit bara ekki hvort þeir koma til með að heyra eins mikið og hún. En það kemur í ljós. Það er búið að vera fullt af skemmtilegum umræðuefnum þarna á rásinni og ég er að spá í að segja frá því sem svona helst snýr að ferðunum meðan við bíðum eftir slúðri. Það er ekki hægt að hafa svona lítið að segja dag eftir dag ;)

Eigum við að skella okkur í rússíbanann?

Það er endalaust verið að velta sér upp úr því hvenær næstu upplýsingar gætu borist. Og einn fékk þær upplýsingar í gær frá umboðinu sínu að upplýsingar komi í næstu viku, FYRIR NÝJA ÁRIÐ! Eflaust meina þeir að þær séu sendar af stað þá en mér er sama, koma eða sendar... Mér skilst að það séu fleiri umboð sama sinnis en það eru líka önnur sem segja að það komi ekki næst fyrr en í mars. Og síðan eru nokkur sem segja að þau viti það ekki!

Ok þetta er nóg til að skella sér í smá ferð en hvað um það að ein sem er með LID 22 nóv fullyrðir að hún fái upplýsingar í apríl? Það er að renna út hjá henni félagspakkinn (í júní) og umboðið hennar segir henni að hafa ENGAR áhyggjur því hún verði komin heim fyrir þann tíma..

ha??? ha??? Ég sit núna fremst í rússíbananum og hvet hann til að fara hraðar...

Hitastig fer hækkandi

Ég held að Kína viti af því að hópur 16 er á leiðinni. Hópurinn sem er búinn að kvíða því að vera á heitasta tíma á ekki von á góðu ef þetta er það sem koma skal: Warmest Temperatures on Record

China AP News
Skating has been banned on the melting ice of Beijing's lakes, trees are blossoming early, and people are shedding heavy clothes as China experiences its warmest winter on record. Magnolia trees in Beijing had already started blossoming as conditions resembled a balmy day more commonly seen in April.

The temperature in the capital hit 16 Celsius (60 F) on Monday, far above the historical average of just below freezing for this time of year, and the highest since records were first compiled in 1840.
The head of the Beijing Municipal Observatory, Guo Hu, said the record high was part of a consistent trend this winter, while state-run media reported similar phenomena across the country.

For 2006, January-December average temperatures were the highest in 56 years in both the eastern province of Jiangsu and the remote western region of Xinjiang, 3,000 km (1,800 miles) apart.

In the normally frigid far northeastern province of Heilongjiang, temperatures also hit 40-year highs, and 300,000 people are suffering from drought in Shaanxi province after January rainfall was 90% below average.

Ágiskanir

Það er enn of snemmt til þess að nokkuð slúður sé á ferðinni. Það eru hinsvegar allstaðar ágiskanir og best að láta nokkar fljóta hér. Þessi er nokkurn veginn í tengslum við spánna sem ég var með í síðasta hittingi:
Næst: 25 október
Þarnæst: 3 nóvember
Og þar á eftir: 17 nóvember

Maí eða apríl. Það fer eftir því hvenær næstu upplýsingar berast. Það er ólíklegt að það komi upplýsingar áður en þeir fara í nýarsfríið sem hefst 20 feb. Hinsvegar hafa þeir víst alltaf sent upplýsingar föstudaginn fyrir nýaárið en ég veit ekki hvort þá hafa komið upplýsingar svona stuttu áður eins og gerist núna. Þannig að í rauninni gæti það alveg eins gerst. Ef ekki þá gætu þær komið svona tveimur vikum eftir að fríið er búið og þá yrði það kannski í lok viku 10 sem er 9. mars.

Og svo er spurning. Eru þeir að fara eftir fjölda umsókna eða fjölda daga? Ef þeir eru að birta ca 15 daga þá lítur þetta svona út:
Næst: 28. okt
Þarnæst: 12. nóv
Þar á eftir: 27 nóv

En það kemur svipað út fyrir okkur.

Búið að uppfæra bæði

Og loksins er búið að uppfæra review room líka. Búið til og með 22 mars. það er frábært. Þeir eru þá alla vega ekki hættir að uppfæra síðuna ;)

Til og með 13. okt: Og nú á bara eftir að fara yfir einn mánuð og einn dag áður en kemur að OKKUR!!!!!! Jibbí jej og og allt það... Endalínan er loksins í augsýn, bara að halda út lokasprettinn ;)

Storkurinn er lentur í Írlandi

Ó já og þeir eru með upplýsingar til og með 11.okt. Næsta LID þar er ekki fyrr en 18 þannig að við vitum enn ekki hvort þetta fer lengra en til 11.

Update: Það eru komnar fréttir af 13.......

Ekkert enn

Það eru allir á nálum því slúðrið segir að upplýsingar komi í dag...

Varðandi það sem ég sagði að verið væri að dusta rykið af NOV LID þá var ég alls ekki að tala um nóv 2006 heldur 2005. Það er langt í að review room komi að Nóvember 2006. Umboðin eru farin að láta vita að mars sé komið úr review og því spurning hvort þeir séu hættir að uppfæra þær upplýsingar en ef þeir eru hættir þá er skrítið að þeir haldi linknum inni. Aníveis, ég var að tala um nóvember 2005. Það lítur út fyrir að það sé byrjað að skoða þann mánuð til að undirbúa pörun (matching). Það segir okkur ekki neitt í rauninni annað en að það styttist í okkur. Ég held að þeir vinni nokkra mánuði fram í tímann. Þannig að þó þeir séu að para núna restina af september og byrjun október þá er byrjað að undirbúa næstu mánuði á eftir. Það segir sig sjálft ef þeir afgreiða 600-800 umsóknir á mánuði þá gera þeir það ekki á 4 vikum. Ég held að það sé mun lengra ferli en það. Hljómar þetta óskynsamlega?