Meinvill og slúðrið

Hundar í Kína

2008-09-27T16:42:00.002Z

Hér er fyrsti póstur á breyttu bloggi og það fjallar um hunda.

Í Kína eru strangar reglur um hundahald - þeas í borgunum. Eflaust allt öðru vísi í sveitunum. Þannig mega hundar í borgum ekki vera hærri en 20 cm og eiga alltaf að vera í ól þegar þeir eru úti. Í Bejing má ekki labba út með hundana nema fyrir klukkan 7 og eftir klukkan 18. Það fólk sem býr ekki í stórborgum þarf þó ekki að fara eftir þessum 20 cm reglum og þar á fólk allskonar hunda. Þeir verða þó að fá hundaæðissprautur og vera skráðir í næstu borg.

Í Beijing er fullt af stöðum sem sérhæfa sig í allskonar hlutum fyrir gæludýr fólks (allt frá dóti upp í sérhæfða snyrtingu). Þetta er vaxandi bisness þar sem einbarnareglan ýtir jafvel við fólki að eignast dýr, þannig verður hundurinn jafnvel að barni nr tvö.

Hundar mega ekki vera í görðum eða á opinberum svæðum þar sem margt fólk er samankomið. Eftirbreytnivert að mínu mati og alltaf í bandi.

Breytingar

2008-09-27T16:40:00.002Z

Ég nenni ekki lengur að skrifa um stöðu mála hjá CCAA. Það eru allir hvort eð er að fylgjast með sjálfir þannig að þetta er eiginlega orðið óþarft. Ég tími samt ekki laveg að hætta með þetta blogg því mér finnst svo margt skemmtilegt í Kína og svo er tenginin auðvitað augljós ;)

Ég ætla því að breyta þessu í blogg þar sem er að finna hitt og þetta sem mér finnst athyglisvert og vonandi finnst það fleirum því það er ekki gaman að skrifa bara fyrir sig einann haha.

Lítur ekki vel út

2008-08-08T15:52:00.002Z

Lítur ekki vel út fyrir næstu upplýsingar. Slúðrið segir að endadagur er 27.jan 2006 og það er tveimur dögum lengra en þeir komust í síðasta mánuði. Ekki gott! Næstu dagar á eftir (árið 2006) tilheyrðu kínverska nýa árinu og þá var allt lokað og því spurning hvort það eru einhver LID á þeim dögum... hefði því verið pólitískt mjög flott að láta endadag vera einhvern tíma á því tímabili bara svo þetta virtist ná yfir lengri tíma. En Kínverjar hugsa greinilega ekki eins og ég og fara eftir "rétt er rétt". Eins og ég hef áður sagt mun þetta ætla að taka forever að fara yfir janúar mánuð, þetta er að verða eins langur tími og tók að fara yfir risamánuðinn nóvember 2005. Skrítið!

Frábært, heilir fimm

2008-07-07T14:21:00.003Z

Eða þannig. Er víst samt spurning um hvort það séu heilir fimm þegar það er ein helgi með inni í þessum fimm dögum. Þrír vinnudagar! En sem sagt, slúðrið bendir til þess að 25.jan. 2006 sé lokadagur að þessu sinni. Ekki mjög gleðilegt fyrir þá sem eru að bíða...

Styttra en menn héldu....

2008-06-13T09:54:00.001Z

Já tveimur dögum styttra... náði til 20 jan. en ekki 22 en eins og menn vonuðu. Þetta ætlar að dragast.

Slúðrið komið af stað

2008-06-06T13:47:00.002Z

Og segir að upplýsingar muni verða til og með 22 jan. hmmm ekki er það nú neitt spes. Þá er búið að taka fjóra (4) mánuði að fara yfir það sem búið er af janúarmánuði. Niðurstaða verður því alla vega fimm mánuðir sem tekur að fara yfir þann mánuð. Sem er ekki neitt sérstaklega gott. reikni nú hver sem betur getur hversu lengi við erum að komast í gegnum árið ef það tekur, ja segjum bara 4 mánuði að fara yfir hvern mánuð. Það eru þá 4x12 sem gerir 48 mánuði. Nei það er ekki alveg í lagi eða þannig. En það hefur sem sagt komið á daginn að þetta með að það yrði farið að birta tvær vikur í hvert sinn strax eftir áramótin 2008 það hefur ekki staðist! Því miður. 4 feb var búið að fara yfir 27 des og í byrjun júní er nokkuð öruggt að þeir ná til 22 jan. JÆKES

Næsta lota hafin

2008-05-04T21:48:00.001Z

Fyrstu myndir fóru að berast á föstudaginn var. Enn hefur enginn látið vita sem er með LID seinna en 12 jan 2006. Bömmer!

Búið í review

2008-04-25T08:16:00.003Z

Hey til hamingju hópur 23 með að vera loksins komnnir úr review en óstaðfestar fréttir segja að búið sé að breyta boxinu á innri síðu CCAA og tilkynna að búið sé að skoða allar umsóknir til og með 31.des 2006. Glimrandi gangur bara ;)

9.jan

2008-04-08T08:21:00.002Z

Það er sem sagt komið á hreint að lokadagur var 9 janúar. Það var ekki mikið. Samkvæmt því verða þeir alla vega tvo mánuði í viðbót að klára janúar. Púff!

Nóvember 2007 er ekki kominn úr review ennþá. Það eru mörg umboð búin að láta skjólstæðinga sína vita að þeir séu komnir í gegn en það er ekki búið að breyta boxinu hjá CCAA sem þýðir að þeir eru ekki búnir með alla. Þeir breyta ekki boxinu fyrr en það er á hreinu að allir séu búnir að yfirfara það sem að þeim snýr. En það ætti þá að geta gerst á hverri stundu núna. Hann er búinn að vera frekar lengi í skoðun ef ég man rétt.

Líklega koma fyrstu svörin í dag eða á mánudag

2008-04-04T10:50:00.002Z

Eitt umboð í Kanada er búið að setja á heimasíðu sína að lokadagur sé 10 jan meðan önnur umboð eru búin að hringja og segja að síðasti dagur sé 9. Líklega er það því annar hvor þessara daga því miður. Ef svo er þá verður að viðurkennast að það lítur ekki vel út fyrir gang mála á þessu ári. Janúar er frekar lítill umsóknarlega séð og ef það tekur 4-5 mánuði að afgreiða hann þá er ekki von á góðu þegar kemur að mars mánuði sem er næst risa mánuður.

Fer að koma að næsta

2008-04-02T08:08:00.002Z

Jæja þá fer að styttast í næstu upplýsingar. Það lítur samt ekki út fyrir að þeir nái neitt lengra en venjulega en fyrsta slúður segir að endadagur verði 9. jan. Hrmp það er ekki mikið.

En á góðu nótunum þá er auðvitað eitt barn sem var að koma heim og fimm sem voru að hitta fjölskyldur sínar í þessari viku. Til hamingju öll sömul ;)

Ýmislegt

2008-03-11T08:35:00.002Z

Það er ýmislegt rætt þessa dagana. Eitt af því sem er að koma aftur upp á yfirborðið er hækkað gjald til barnaheimilanna. Sú umræða komst fyrst af stað í fyrrasumar rétt áður en hópur 16 fékk upplýsingar að til stæði að hækka gjaldið úr 3000 usd upp í 4000. Ekkert varð þó af því og smámsaman lognaðist umræðan út aftur. Þetta er hinsvegar komið aftur upp á yfirborðið og virðist sem sum fylki séu þegar búin að hækka og ekki í 4000 heldur í 5000. Þetta gjald hefur hinsvegar verið óbreytt í mörg ár, frá því 1990 og eitthvað skilst mér þannig að það ætti svo sem ekkert að koma neitt á óvart. Flestir virðast hins vegar sammála um að af hækkun verði varla fyrr en eftir Olympíuleikana. Það á greinilega allt að gerast þá.

Það virðist ekki hafa verið neitt stór bunki af umsóknum sem afgeiddur var núna síðast en það voru alls 8 dagar. Inni í því er væntanlega ein helgi. Menn eru eitthvað að vitna í fundi með CCAA þar sem þeir eiga að hafa sagt að árið 2009 þá fari allt af stað aftur. Já, já ábyggilega en þá eru líka Olympíuleikarnir búnir og þá er þetta eins og altalað hefur verið að hluti af seinkuninni sé þeim að kenna. En hver veit þetta kemur allt í ljós.

Kerfið varðandi SN börnin virðist einnig vera að breytast eitthvað og eru nokkrar skrifstofur farnar að vinna eftir nýja kerfinu en það byggist á því að það er allt rafrænt! Jáhá allt rafrænt bara, enginn pakki sendur og DHL og eitthvað vesen. Bara gamla góða yndislega Internetið. Það hefur enn ekki komið nein reynsla á það hvort þetta sé eitthvað fljótlegra þar sem það eru bara nokkar fjölskyldur í USA sem hafa prufað þetta kerfi. En það er óskandi því eins og staðan er í dag þá er biðin 100 dagar plús frá upplýsingum og þar til faraleyfi berst. það er svakalega langur tími þegar fólk er komið með mynd af barninu sínu og bíður þess að fara út. þannig að allt sem verður til þess að stytta þá bið er frábært ;)

Hægt og hljótt

2008-03-06T13:33:00.003Z

Þetta ætlar að mjakast áfram í hænuskrefum. Átta dagar núna og átta dagar síðast. Það er búið að yfirfæra okt 2006 í review herberginu en ekki hafa borist fregnir af því að þeir hafi komist lengra. Minni samt á að það virðist virka þannig að hver og einn klárar það sem hann á að fara yfir þannig að það getur verið að einstaka umboð fái fréttir um að það sé búið að yfirfara viðkomandi mánuð hjá þeim þó CCAA hafi ekki tilkynnt að búið sé formlega að fara yfir mánuðinn. Þeir tilkynna það ekki nema allt sem á hreinu varðandi þann mánuð.

En eitt er samt gleðilegt:
Það er búið að klára allar umsóknir frá árinu 2005

Lokadagur virðist vera 4 jan

2008-03-04T03:10:00.002Z

jamm, það er ekki komin endanleg staðfesting en það er 99%.

4.01.2006

það eru þá 8 dagar afgreiddir í þetta sinn

Lokadagur

2008-03-03T09:23:00.002Z

Lokadagur ætti að koma í ljós í þessari viku en það er talað um 4,5,6 janúar 2006. Þá er árið 2005 alla vega búið og "bara"eftir að klára rúm tvö ár. hehe hljómar þetta ekki fullt af bjartsýni?

Ekkert slúður ennþá

2008-02-26T13:00:00.004Z

Það er ekkert að frétta frá landinu mikla í austri (er það annars ekki í austri??). Það er hinsvegar kominn sá tími sem forsvarsmenn lofuðu að hlutirnir færu að ganga hraðar (eða lofuðu er kannski heldur sterkt til orða gripið). Talað var um að 2008 ættu þeir að fara að geta afgreitt allt að tveimur vikum í einu. Í síðasta mánuði voru það 8 dagar og það væri því ægilega gaman að sjá 15 núna. Eða þannig sko...

Enn um tímann

2008-02-18T08:24:00.002Z

Sá nokkrar myndir af börnum sem væntanleg eru til landsins á næstu mánuðum. Alveg frábært og ég fékk gæsahúð um mig alla. En það fékk mig líka til að skoða tímann einu sinni enn. Hópur 16 var með Lid 14.nóvember 2005. Hópur 17 var með Lid 27.desember 2005. Þarna á milli er rétt um einn og hálfur mánuður. Það er ekki mikið. Það sem er hins vegar mikið er að á milli ferða eru hinsvegar um 7 mánuðir. Hópur 16 fór út í sept. 2007 en hópur 17 fer væntanlega í lok mars eða byrjun apríl. Þarna á milli eru nærri 7 mánuðir sem er skelfilega langur tími. Næsti hópur er með Lid í apríl 2006 og nú getur hver reiknað fyrir sig. Hinsvegar má svo sem reikna með því að janúar mánuður verði kannski fljótyfirfarinn því samkvæmt sögunni eru yfirleitt ekki svo margar umsóknir í þeim mánuði. Kannski feb líka. mars gæti verið þungur en ég hef heyrt að hann væri nokkuð stór umsóknarlega séð.

Erlendis er fólk að tala um Ethobia sem landið sem allir vilja fara til núna. Þar ku allt ganga hraðar fyrir sig og allir hlutir vera í lagi. Það eru hins vegar líkur á því að það verði ekki alltaf. Ef fjöldinn sækir um þar þá hlýtur eðli málsins samkvæmt að lengjast tíminn þar eins og annarstaðar. Það er vandlifað í þessum heimi, það er ekki hægt að segja annað.

Nýr linkur hér til vinstri

2008-02-04T22:12:00.000Z

Hér til vinstri er kominn nýr linkur sem heitir umsóknir. Þar er staða hvers mánaðar á umsóknunum til Kína. CCAA er hætt að birta þessar upplýsingar þannig að mér datt í hug að safna þessu á einn stað þannig að auðvelt verði að skoða hvernig þetta gengur

Til hamingu hópur 17

2008-02-04T14:57:00.001Z

Þið hljótið að vera inni þar sem CCAA er búið að uppfæra innra boxið sitt og þar segir að cutt off eða lokadagsetning sé 27.des 2005.

Til hamingju

jibbíka Jei

2008-02-01T08:05:00.000Z

Ég held að það sé nokkuð öruggt að 27.des sé inni núna því æ fleiri umboð eru að tilkynna það sem lokadag eða alla vega að hann sé með!!!!!!!!!

Ég þori að vísu ekki að óska hópi 17 til hamingju ennþá en líkurnar eru MIKLU meiri heldur en minni... Nú fara gleðidagar í hönd

Vonandi senda þeir fararleyfin líka fyrir þá sem eru að bíða eftir þeim ;)

Fleiri sem staðfesta 27 des

2008-01-31T08:11:00.000Z

Eitt umboð í Kanada hefur einnig staðfest að cutoff sé 27 des. Oh þetta er ferlegt. Við í hópi 16 vorum líka með cutoff þar sem ekki var vitað fyrr en á síðustu stundu hvort við værum með eða ekki. Þannig að nú hlýtur fjandans rússíbaninn að vera á hraðri leið upp hjá fólkinu í hópi 17.

27 des inni?

2008-01-30T21:04:00.000Z

OK nú er þetta að verða spennandi. Kanarnir segja að það sé ekkert á hreinu ennþá. Það sé ekki búið að breyta þessu blessaða boxi sem bara umboðin hafa nú aðgang að (á heimasíðunni). Hinsvegar er eitt franskt umboð búið að hringja í verðandi foreldra með LID 27 des.... það er okkar hópur. Þetta fer því að verða illilega spennandi og nú er bara að krossa allt sem hægt er að krossa!

Upplýsingar á leiðinni

2008-01-30T14:05:00.000Z

Það er komið að þeim tíma mánaðarins. Já, akkúrat þessum frábæra tíma þar sem fólk verður annað hvort í skýjunum eða gjörsamlega niðurbrotið. Það er enn ekki alveg ljóst hversu langt þeir munu ná í þessum mánuði og eru menn að tala um allt frá 1 degi upp í rosa marga (enginn vill gefa lokadagsetningu ennþá). Við vonum náttúrulega af öllu hjarta að þeir klári til og með 27 des 2005 því þá nær hópur 17 inn. Þetta kemur vonandi í ljós í síðasta lagi á föstudag.

Nýjar tölur

2008-01-16T21:01:00.000Z

Það eru komnar nýjar tölur hjá RQ um fjölda barna ættleiddra frá Kína á ári. Áhugaverðar tölur. Ég ætla að setja þær inn hér en nenni því ekki í kvöld, set þær inn á morgun. Endilega kíkið á þær og skoðið hvernig þær líta út. Þetta eru ekki slúður tölur heldur fékk hún þær sendar frá áreiðanlegri heimild sem hún auðvitað gefur ekki upp. Hún er komin með alveg rosa góðan aðgang að upplýsingum því þetta lið veit að það er hægt að treysta henni til að þegja yfir öllu.

2009?

2008-01-13T20:41:00.000Z

Það er eitthvað skrítið á ferðinni þegar stóru umboðin í ameríkunni keppast við að senda út bréf til fólks í bið þar sem þau lofa að allt fari að batna 2009! Hvað með árið 2008? Verður það sem sagt sama hægagangs árið? Og hvernig vita þessi umboð að það standi allt til bóta árið 2009, sérstaklega þar sem mánuður eitt á árinu 2008 er ekki hálfnaður? Ekki er vitað til þess að CCAA hafi sent út neitt því lútandi. Hinsvegar ef þetta er satt þá styður það kenninguna um að ólympíuleikarnir hægi á öllu. Það er hinsvegar búið að marg segja að þeir komi ekki til með að breyta neinu varðandi ferlið, ccaa muni áfram fara yfir og svara umsóknum. Hinsvegar muni ferðir líklegast stoppa rétt á meðan á leikunum stendur. Hmmmm

Ein sænsk fréttastöð var með frétt um að bið eftir barni frá Kína væri nú fjögur ár!

Hvað er að gerast????

2008-01-09T22:08:00.000Z

Það er eitthvað mikið að gerast en hvað það er???? Þetta er nýjasta tilkynningin á síðunni hjá CCAA

Það er ekki hægt að skilja þetta nema á einn veg.... ekki á lengur að birta mánaðarlegar upplýsingar, en hvers vegna? Verður þetta virkilega auðveldara þegar fólk fær ekki að vita neitt og veit ekkert hver staðan er?

Þetta er MJÖG skrítið!!!

Tónlist fyrir verðandi mæður í Húbei

2008-01-09T20:10:00.001Z

Jájá alltaf er maður að missa af einhverju. Þarna voru haldnir tónleikar fyrir verðandi mæður til þess að örva ungana í móðurkviði. Ekki var mér boðið upp á svona meðan ég beið Natalíu minnar en hún er einmitt ættuð frá Húbei:

A concert for mothers-to-be was staged in Hubei province on January 5, drawing over 700 expectant mothers for a fetus education class on music.
The concert, titled "The Golden Rhythm", featured many classical pieces that catered to prenatal training. The concert, hosted by the local maternal and child care service center, was free to pregnant women in the province.

Fáar umsóknir

2008-01-07T15:16:00.000Z

Það virðist vera að óvenju fáar umsóknir hafa verið afgreiddar að þessu sinni. Um var að ræða dagana frá 15-19 des eða 5 daga en fáar umsóknir virðast vera þessa daga. Þarna er ekki um neinn topp að ræða þannig að það er spurning hvers vegna svo fáar umsóknir voru afgreiddar.

Ekki náðist að klára árið

2008-01-03T10:22:00.000Z

CCAA var að senda frá sér næstu upplýsingar og ná þær til og með 19. des 2005. Sem sagt ekki náðist að klára árið 2005. Sendi stuðningskveðjur til hóps 17 en ég man hvernig það var að vera í þessum sporum, komin svona nálægt en samt svona langt frá...

2007-12-24T12:03:00.000Z

Að taka sig saman í andlitinu

2007-10-10T09:34:00.000Z

Hmm... hér hefur ekki verið skrifað neitt í óratíma. Allur tími hefur farið í fröken Natalíu Yun og þess á milli reynt að ná upp svefni en nú er að duga eða drepast. Ætla aðeins að taka hér til og byrja svo aftur og við sjáum bara til hvert þetta stefnir. Það vantar nefnilega aðeins einhvern stað þar sem maður getur aðeins spjallað um það sem er að gerast í stóra heiminum okkar.

Nóvember 2005 er loksins búinn og það fór eins og búið var að spá fyrir löngu að það tók allt í allt 6 mánuði... HÁLFT ÁR... að klára hann. Þetta er stærsti umsóknarmánuður frá upphafi en við vitum hinsvegar ekki hvort aðrir svona stórir koma seinna. RQ reiknar með að desember mánuður sé ca 60% af stærð nóvember og ef það er satt þá má reikna með 3-4 mánuðum í viðbót áður en árið 2005 klárast. Þetta er löngu hætt að vera nokkuð fyndið ef það hefur þá nokkurn tíma verið það.

Nokkrar myndir

2007-09-10T05:26:00.001Z

Komin aftur heim til Beijing....

2007-09-08T13:40:00.000Z

Nú er fyrsta flugferðin yfirstaðin og ég held hún hafi gengið nokkuð vel hjá flestum ef ekki öllum. Það var eitthvað grátið en samt ekkert meira en þó þessar hetjur hefðu þekkt okkur alla ævi og treyst okkur fullkomlega.

Hinsvegar brugðust þær misjafnlega vel við að vera komnar á annað ótel með mun stærra hlauparými. Sumar hlupu og hlupu og gátu ekki hætt meðan aðrar neituðu að fara inn og vildu bara láta labba með sig einhversstaðar úti.

Við erum öll sammála um að stelpurnar okkar standa sig eins og hetjur. Það er búið að rífa þær úr öllu sem þær þekkja en samt eru flestar þeirra hlæjandi og skríkjandi eins og ekkert hafi í skorist. Það er líka athyglisvert (eða okkur finnst það) að þær virðast þekkja ótrúlegustu hluti. Það ehfur áður komið fram að þær eru alvanir nammi og snakk grísir en þær komu allar með stóra skammta af slíku með sér. Þær virðast líka þekkja flestan mat, KFC er td ekkert ókunnuglegur og þegar ein komst í pepsi af tilviljun (ætla ekki að segja hver þeirra) þá var greinlegt að hún gjörþekkti cola bragð. Okkar bíður því það hlutverk að venja þær af óhollustu haha sem er soldið fyndið ef maður spáir í því.

Á morgun förum við að skoða himnahofið og ætlum að þakka himinguðunum fyrir það sem þeim ber. Villi kallinn ætlar að leyfa okkur að sofa út og við förum ekki fyrr en klukkan 14 sem er svo vel þegið að það er ótrúlegt. Eftir það ætlum við síðan að fá okkur Peking önd því hvað er meira við hæfi hér í Peking?

Og ein stóra systirin er komin með hlaupabólu. Daddaradda..verða þá ekki allir með svoleiðis eftir viku tíma eða svo? EN þá verðum við vonandi komin heim.

Í gær fórum við í dýragarð og byrjuðum á að fara á sýningu þar sem dýrir voru látin leika ýmsar kúnstir. Íslendingarnir stóðu sumir upp og fóru út á fyrsta atriðinu en flestir þruakðu þó út sýninguna. Það er augljóst að Kínverjar og Íslendingar hafa ekki sömu hugmyndir um góða meðferð á dýrym Oj bara. Ekki gaman að sjá tuskulega útlítandi ljón og tígrisdýr hoppa um og gera einhverjar kúnstir sem eru þeim ekki eiginlegar og ef þau voru ekki nógu fljót þá voru þau lamin með svipu eða priki. JAKK.

En þarna var líkar fallegur garður með Bonsai trjám og æðislegt veður þannig að við dúlluðum okkur bara um og áttum næs dag.

Gangamyndir

2007-09-06T04:37:00.000Z

Hér koma nokkrar gangamyndir en við erum alltaf á ganginum. Sem betur fer er hægt að labba hér einhvern hring þannig að við röltum hring eftir hring. Stóru stelpurnar reyna að finna sér eitthvað til dundurs og finna upp á ýmsu:

Hér eru allar stelpurnar nema Anna Zhu: Katha Aþena, Laufey, Telma Rós og Jóna María

Snjólaug með ungana sína. Einar er svo spennandi að Ingibjörg fæst ekki til að snúa sér við.

En svo sest Ingibjörg í kerruna og þá er í lagi að snúa sér við ;)

Jóna María með fiðluna góðu

Laufey tekur sig líka vel út

Og Katha líka ;)

Sætar stelpur

2007-09-05T15:53:00.000Z

Hér eru myndir af nokkrum af sætu stelpunum okkar. Það vantar bara eina, Rósu Lind. Hinar eru hér:

Anna Fríða

Ástrós Halla

Díana Rós

Ingibjörg

Kristín

Natalía Yun

Sheng

Á leið til Wuhan

2007-09-05T15:20:00.000Z

Hér koma nokkrar síðbúnar myndir frá því við lögðum að stað til Wuhan. Þær skíra sig að mestu sjálfar held ég. Allir voða spenntir og merkingarnar eru þegar hópurinn átti að merkja nýju kerrurnar með nafni:

Erfiður gleðidagur

2007-09-03T13:37:00.000Z

Dagurinn í dag rann upp með mígandi rigningu að íslenskum hætti en þó með öllu meiri raka en fylgir þeirri íslensku. Og það er búið að rigna í allan dag bæði inni og úti.

Þetta var heilmikill gleðidagur hjá okkur 30menningunum en litlu dömurnar voru vægast sagt skelfingu lostnar. Það er mikið búið að gráta í allan dag og enn heyrist grátur á stöku stað ef maður röltir eftir ganginum. Auðvitað er ekki bara grátur, inn á milli hafa þær leikið sér og almennt séð horft á heiminn undrunaraugum. Held það sé rétt hjá mér að þær hafi allar grátið nema ein, sú er hörkugrallaraspói og er búin að vera á hlaupum á eftir bolta um alla ganga.

Við foreldrarnir erum búin að vera á þessum típísku foreldragangafundum þar sem við stöndum eða sitjum með börnin og þau sem treysta sér til þess skoppa og leika sér saman. Það eru þó ekki allar sem eru svo burðugar.

Ég er ekki með neinar myndir, frá því í dag því það fór allt í upplausn þegar átti að taka myndirnar því gráturinn og lætin voru svo mikil að við vissum ekki fyrr en við vorum öll komin aftur út í rútu með fullt af grátandi börnum. 'UFF, erfitt en nú eru flestar sofnaðar og bara spurning hvort þær vakni fyrir allar aldir til að vekja okkur stressforeldrana.

Set hér inn linkinn á kynningarsíðuna sem er á hópasíðunni sem upphaflega átti að vera. Þessi síða var tilbúin og þess vegna get ég hent henni út þó ekkert frontpage sé til staðar :) Þessarmyndir verða að duga þar til á morgun en þá er stefnan að taka nýjar myndir af þeim öllum. Dæturnar kynning

Wuhan stress

2007-09-02T15:37:00.001Z

Jæja já, við erum komin til Wuhan. Ég veit það vantar einn dag inn í færsluskrifin en það verður að bíða eftir aðeins meiri tíma. Við erum búin að vera að þvælast í allan dag. Flug frá Bejing til Wuhan tekur samt bara rétt um 2 tíma en það er bara svona með ferðalög einhvern veginn ná þau að teygjast yfir heilu dagana.

Hér eru allir að fara yfir um af stressi og við getum ekki talað um neitt nema pela, túttur, mjólk og...ó hvað fleira þarf svona lítið ókunnugt barn? Já já ok, við finnum út úr því snuð og teppi.... nei ekki teppi það er svo ógeðslega heitt... en hei þær hafa eflaust ekki vanist loftkælingu, OK tökum teppi með fyrir rútuna. Hvað með snuð? Nota þær svoleiðis? Já tökum þau með til öryggis og Cheerios, og matarkex og sitthvað fleira. Það endar með því að við getum eflaust skilið bakpokana eftir hér á hótelinu og tekið bara með okkur ferðatöskurnar. Þær eru þó alla vega á hjólum!

Fyrsta panikkkastið kom á hótelinu í Beijing þegar einhver rak augun átta kerrur í móttökunni á hótelinu. Allar innpakkaðar og greinilega að bíða eftir eigendum sínu. Fréttirnar fóru um eins og eldur í sinu og allir gerðu sér ferð í mótttökuna til að kíkja inn fyrir borðið meðan fólkið á hótelinu hélt eflaust að við værum að missa glóruna. Hópur af útlendingum ráfandi um gólfið og gjóandi augunum á bak við þau og flissandi eins og smástelpur. Bara gaman að þessu. Næsta panikk kast kom þegar við sáum hótelherbergið í Wuhan og þar biðu okkar uppábúin rimlarúm, nú fer að færast fjör í hópinn. Að vísu var hótelfólkið búið að færa okkur bækling fyrir fyrstu dagana í lífi barnsins hjá okkar og þarna stóðum við eins og hálfvitar með aulaglott á andlitunum og sambandslaus við allt nema þennan litla sæta bækling.

Við fengum nýjan guide hér í Wuhan og hún heitir Christina. Hún hefur reynslu af börnum því hún er mamma sjálf. Villi okkar blessaður er besta skinn og fínn leiðsögumaður en hann veit ekki mikið um börn, það er augljóst en við fyrirgefum honum það því hann er okkar ómissandi hjálparhella. Hinsvegar eigum við eftir að gleypa Christinu með húð og hári því okkur vantar svo upplýsingar. Við erum komin með þær upplýsingar að litlu stelpurnar okkar eru á þessari stundu enn þá hjá fósturfjölskyldum sínum og þær grunar ekki hvað þær eiga í vændum. Þær hafa aldrei fengið neitt annað en heita fæðu og drykki allt sitt stutta líf. Meira segja eplasafinn er hitaður þannig að það er kannski ekki von að við vesalingarnir frá kalda Íslandi séum í stresskasti yfir þessu öllu og sjáum helst fyrir okkur að börnin svelti í hel áður en við komust aftur til baka á hótelið.

En svona að öllu gamni slepptu þá eru núna innan við ellefu tímar þar til við hittumst og nú er best að koma sér í háttinn til að vera vel undir þetta búinn. Hasta la vista baby og við heyrumst aftur á morgun eftir að líf okkar hefur tekið kaflaskipti svo um munar...

Tiaman Square og forboðna borgin

2007-09-02T03:05:00.000Z

Torg hins himneska friðar er svo stórt að ein milljón manna getur staðið á því í einu og ef allir Íslendingar kæmu saman til að fagna einhverju örlætinu þá rúmuðust þeir fyrir í einu horninu. Þetta fannst Villa guide fyndið. En það er ekki nóg með að þarna komist fyrir fullt af fólki, þarna er nefnilega fullt af fólki. Fólk út um allt, alla vega fólk, lítið og stórt. Minnsta fólkið var flest allt klætt í ægilega fínar buxur með gati á milli fótanna og pempíulegir Íslendingarnir jesúsuðu sig og sveiuðu þegar hið alla helgasta allra karlmanna lafði á milli fóta þeirra fyrir allra sjónum. Æji greyin litlu. Og við máttum auðvitað ekki sjá sölubása án þess að verða eins og æstir kálfar og inn í einum slíkum voru foreldrar að máta einhverja svellfína galla á 6-7 ára börn sín og þar var heldur ekki pempíuhátturinn. Nei þau voru bara svipt klæðum fyrir allra augum og þannig berháttuð áður en þau fóru í nýju fötin. Furðulegt alveg, en sinn er siðurinn í landi hverju.

Á torgi hins himneska friðar finnur maður fyrir sögunni. Upp í hugann kemur óhjákvæmlega myndin af unga námsmanninum fyrir framan skriðdrekann en þegar horft er í kringum sig á torginu þá er þetta ekki það sem kemur fyrst upp í hugann. Nei fyrst er það Maó karlinn og svo er það... oh mæ God það eru sölumennirnir! En nú komust þeir í feitt. Lafmóðir og svitastokknir Íslendingarnir voru nefnilega að ná áttum og voru búnir að taka eftir því að Beijing búar ganga um vopnaðir sólhlífum og blævængjum til að skýla sér fyrir sólinni og nú var sko stokkið í að koma sér upp svona fínerí. Með svitataumana niður andlitið röðuðum við okkur upp og keyptum allt sem hönd á festi sem mögulega gæti létt okkur lífið í hitanum. Og orðspor okkar fór víða og betlarar heyrðu niðinn að þarna væru eyðsluklær og flýttu sér af veikum mætti til að vera með í fjörinu. Jájá, þetta var orðið all skuggalegt á tímabili, fullt af Íslendingum, enn fleiri sölumenn og betlarar að olnboga sig inn á milli. Börnin reyndust sérstaklega viðkvæm fyrir betlurunum og fóru alveg í kerfi og vildu helst gefa allt til var og það voru þeir fljótir að finna. Einn Íslendingur gætti sín ekki alveg nógu vel er hann tók upp vöndul af seðlum og gaf barni sínu einn til að gefa einhverjum betlurum því það sást til hans og það var bara eins og hann gengi um með blikkandi neon skilti..”ég á pening, ég á pening”. Sem betur fer tók nú Villi kallinn í taumana og hóaði okkur inn í forboðnu borgina.

Ótrúlegt hvernig þetta lið hefur lifað. Spurning hvort völdin hafi nokkuð fært þeim hamingju því lífið hlýtur að hafa verið eins og hjá fuglum í búri en stórfenglegt er þetta það er sko ekki hægt að neita því. Það eru þarna einhverjir steinar sem eru 200 tonn og voru fluttir í forboðnu borgina úr norðurhluta landsins. Þeir notuðu vetrartímann þegar landið var ísi lagt, lögðu staura undir og rúllu draslinu áfram. Keisarinn verður jú að fá sín 200 tonn ef það er það sem hann vill. Held þetta væri ótrúlegt jafnvel í dag með öllum okkar tækjum.

Villi var nú orðinn stressaður og hóaði okkur áfram, nóg eftir að gera í dag. Matur á veitingastað vakti mikla kátinu. Og það var ekki maturinn heldur klósett aðstaðan. Einn fór á klósettið og kom þjótandi til baka og skipaði hinum að fara og skoða og allir þutu af stað. Veit ekki alveg hvað þjónarnir héldu er skriðan þusti fram hjá þeim á klósettin og lá þar í kasti. En svona litu vaskarnir út:

Karlaklósettin voru hinsvegar með glugga sem sést bara í gegn öðru megin. Þannig að blessaðir karlarnir gátu staðið með sitt heilaga í höndunum og athafnað sig meðan þeir horfðu yfir matsalinn þar fólk sat að snæðingi. Þeir sem nýttu sér þetta viðurkenndu að þeim hefði þótt þetta pínulítið óþægilegt. Huh við erum að komast að því að við stöndum Kínverjum langt að baki hvað pempíuskapinn varðar...

Eftir matinn fengum við að fara að versla JIBBÍ Loksins. Villi lét keyra okkur á einhverja verslunargötu með fullt af verslunarmiðstöðvum. Ivy tók að sér að lóðsa okkur um það helsta og svo fengum við aðeins að sleppa okkur. ER klukkutími ekki nóg? Ha? Klukkutími? Hvað er að manninum? Á klukkutíma komust við úr rútunni en varla mikið meira. Aumingja Villi, hann stundi og sagði OK tveir tímar, er það ekki nóg? Þið viljið fara á Kung Fu sýningu og við verðum að hafa hraðar hendur. Hmmmm Förum þangað á morgun bara, verslum núna. Og það var niðurstaðan. Við brunuðum af stað því tíminn var naumur og allir ætluðu að kaupa heiminn.

Hann var hinsvegar ekki keyptur í þessari ferð. Jafnvel þó við getum lært margt af Kínverjum varðandi pempíuskap (margt en ekki allt, sumt er aðeins of langt gengið) þá geta þeir lært margt af okkur varðandi sölumennsku í verslunum. Fyrst velur maður hlutinn (oft til tvö stykki, þannig að það eru fyrstu tveir sem fá). Stúlkan skrifar niður á miða og rekur mann til gjaldkera. Gjaldkerinn er yfirleitt einhver aðeins eldri aðili (kona, maður) og situr með svoldinn myndugleikasvið á til þess gerðum bás. Þar bíður maður í röð eftir að fá að borga, með miðann sinn sem er í fjórriti og það þarf að stimpla alla miðana og láta fá kvittun. Í einni búðinni var hver einasti peningur skannaður undir ljósi, mjög áhrifaríkt til að láta fólk fá spennukast hvort allt væri falsað. Þegar þessum prósess var lokið þá er það miðinn í þríriti í þetta sinn og brunað til baka með allt stimplað til sölukonunnar sem í millitíðinni er búin að pakka draslinu inn. Þarna væri hægt að nýta mannskapinn MUN betur en kannski hafa þeir ekkert áhuga fyrir því. Kannski kemur þetta í veg fyrir þjófnaði, eða það verður erfiðara að stela þegar svona kerfi er. Hvað veit ég...

Og varðandi fölsuðu peningana þá er einn kominn í umferð innan hópsins en hann fékkst við forboðnu borgina. Þar var skipt á eðlilegum og fínum seðli í einhverja falsaða druslu. Við létum seðilinn ganga og ákváðum að það væri ekki þess virði að reyna að pranga honum inn á einhvern annan. Bara að reyna að passa sig betur næst. EN sá sem fékk hann var fúll yfir því að láta plata sig svona....

Og nú var komið að kvöldi og fóru sumir í nudd og aðrir plönuðu sundferð. En all flestir svindluðu sér á vestrænan matsölustað (roðn) því þó allir væru sammála um að maturinn væri góður þá var bragðlaukana farið að dreyma um eitthvað kunnuglegt.

Hutong

2007-08-31T11:18:00.000Z

Fjórði dagur ferðalagsins byrjaði vel. Sól og blíða (eins og það væri eitthvað óvenjulegt) og allir vel vakandi og fínir. Barnafólkið var að vísu sumt aðeins þjáð af svefnleysi því það hefur reynst pínu erfitt að snúa tímanum við hjá litlu dömunum okkar. Þær sofna á einhverjum skrítnum tímum og glaðvakna svo um tvö á nóttunni albúnar í góðan leik. En svona getur þetta bara verið og við á leið í Hutong.

Hutong eru sérhverfi hingað og þangað um Beijing. Orðið kemur upphaflega úr mongólsku. Þýðingin er svona smástræti eða alleys á ensku. Sumar göturnar eru svo þröngar að ekki er hægt að keyra um þær á bílum og fólk ferðast því um á reiðhjólum eða rikshaw sem er hjól með vagni. Þegar maður sér þetta fyrst lítur þetta út eins og fátækrahverfi og ekkert annað. Staðreyndin er hinsvegar sú að verðið á íbúðunum þarna er gífurlega hátt og þannig kostar íbúðin sem við fengum að skoða um 20 milljón Yuan en það gerir litar 160 milljónir, já segi og skrifa MILLJÓNIR!!!

Jæja nema við eigum að fara að skoða þetta hverfi á rikshaw auðvitað og koma svo við í þessari rándýru íbúð og hjóla svo smá meira. Þetta reyndist hin mesta skemmtun, við þessi fullorðnu vorkenndum nú kallagreyjunum að vera að draga okkur mis spikfeita Íslendingana en litlu dömurnar okkar fundu nú ekki fyrir svoleiðis vorkunnsemi og skemmtu sér hið besta. Þetta var ægilega gaman en hugsið ykkur samt að vinna við svona...ÚFF

Jæja, þá kom að skoðunarferðinni. Eigandi íbúðarinnar var fyrrverandi félagi úr rauðahernum, kominn á eftirlaun 54 ára að aldri. Íbúðin hans er önnur að tveimur sem deila sama garði og er á gífurlega eftirsóttu svæði. Hann sagði okkur að í dag sé það yfirleitt eldra fólk sem búi í svona íbúðum því næðið sé akkúrat ekki neitt. Þú veist alltaf hvað nágranninn er að gera en ekki er óalgengt að 7 íbúðir deili sama garðinum. Jáhá, og við Íslendingar viljum helst öll vera út af fyrir okkur. En aftur að íbúðinni. No offense en heima myndi ekki nokkur maður borga 160 millur, nei ekki að ræða það. En það má þó bæta við að eldhúsið hans var flott...

Síðan fórum við aftur í rikshaw hjólin og kláruðum ferðina okkar. Mjög skemmtilegt allt saman. Og sölumennirnir, ohmægod! Gamla góða djammtrikkið með að horfa beint fram fyrir sig og yrða ekki á neitt virkaði ekki einu sinni til að berja þá frá. Þeir urðu bara sínu ákafari ef eitthvað var. Héngu á okkur eins mý á mygluskán og þegar hurðin á íbúðinni var opnuð þá var eins og eitthvað stórfenglegt væri að gerast því þeir mynduðu skjaldborg um okkur..haha..eiginlega soldið óþægilegt. Og þeir vissu alveg hver var með hverjum. Díana reyndi að segja þeim að hún væri með Jóni Óskari en þeir æptu “no, mam this is your husband” og reyndu að ýta henni í áttina að Þorleifi haha eftir á mjög fyndið en ekki alveg meðan á því stóð.

Nú vorum við hálfdösuð en ekki þýddi það neitt því nú lá leiðin í Silkiverksmiðjuna þar sem við ætluðum að læra allt um silki og kannski eyða smá pening því eitthvað smá var eftir frá sölumannaherferðinni. Almennilegasta stúlka sem kallaði okkur alltaf “my friends” var leiðsögumaðurinn um búðina (verksmiðjuna) og sýndi okkur allt ferlið frá A-Ö. Mjög áhugavert. Eftir á var okkur að venju sleppt lausum hala til að kaupa silkisængur og teppi og rúmföt. Það var fínt. En þegar útséð var um að við myndum eyða meiru þá opnuðu þær aðrar dyr og þar reyndust vera barnaföt og kvenföt og ýmis annar varningur. Já, já alltaf hægt að eyða smá.

Nú voru allir orðnir glorhungraðir og Villi leiðsögumaður reddaði okkur veitingastað þar sem við gátum borðað. Að því loknu skelltum við okkur í rútuna einu sinni enn til að skutlast á hótelið í betri gallann því við vorum á leið á sýningu. Acrobat sýningu þar sem fimleikafólk sýndi listir sýnar. Ótrúlegt hvað fólk getur gert, sumir eru bara hreinlega hvorki með liðamót eða bein. Og eftir sýningu trilluðum við okkur á veitingastað (hvað annað) og fengum okkur að borða (enda ekkert fengið að borða heillengi). Kata horfði á matinn með undrunarsvip og spurði svo “er alltaf svona mikill matur?” Já það er alltaf svona mikill matur, úff. Við komum heim hnöttótt úr þessari ferð, þó að vísu það líði ótrúlega langur tími milli matartíma, stundum allt að 7 tímar sem er heldur langt svona hjá venjulegu fólki.

Kínamúrinn

2007-08-29T22:27:00.000Z

Þá er komið að stóra deginum sem allir hafa beðið eftir, KÍNAMÚRINN. Núna rennur upp fyrir okkur ljós að við erum loksins komin til Kína og byrjuð að tikka við það sem þarf að gera áður en við fáum stelpukornin okkar í fangið...Kínamúrinn tikk, jade verksmiðjan tikk og Ming vasarnir tikk. Sko þetta er allt að koma!!!!

En svona að þessu frátöldu þá áttum við frábæran dag. Að vísu var hitinn allt að því óbærilegur á köflum en hvaða sannur Íslendingur lætur smá hita nokkuð á sig fá? Menn höfðu það að vísu mis gott og þannig voru sumir yngri meðlimir hópsins að hluta til í kerrum sínum með skyggni til að verja sig fyrir mestu sólinni. William leiðsögumaður sagðist hafa hringt í Blue Skye Corporation til að panta bláan himinn og þeir hlusta greinilega á hann því veðrið var allt annað í dag heldur en í gær þegar mistur lá yfir öllu.

Ferðin hófst rúmlega 9 og voru allir með. Við byrjuðum á því að fara í jadeverksmiðju og sjá hvernig hinir og þessir jade hlutir eru gerðir og það verður að viðurkennast að vinnuaðstaða fólksins er ekki til að hrópa húrra fyrir. Vinnuljósið var ljósapera með dagblaði til að dreifa birtunni og vatnið sem gaurarnir notuðu til að slípa jaded kom í fötum sem héngu fyrir ofan hausana á þeim og þegar það kláraðist trilluðu þeir fram með tóma fötu og náðu í meira til að hella í fötuna. Merkilegt og svona líka flottir hlutir sem þeir búa til.

Okkur var síðan sleppt lausum þarna inni og gátu allir eða allavega flestir fundið eitthvað til að eyða í. William er ekki alveg búinn að fatta hversu hratt Íslendingar í kaupham fara yfir þannig að stoppið varð frekar langt og held ég að margir hafi verið búnir að fara nokkra hringi um svæðið með tilheyrandi afleiðingum. En þegar hér var komið voru allir í besta skapi því hvað er betra en byrja daginn á smá VISA fjöri.

Okkur tókst að finna rútuna okkur aftur og brunuðum nú beint á Kínamúrinn eða eins langt og við gátum keyrt. Við stukkum úr rútunni eins og ótamdir gemlingar og byrjuðum að mynda af miklum móð þrátt fyrir að geta varla dregið andann fyrir hita.

Það var nokkuð misjafnt hvað fólki fannst merkilegast svona sem fyrsta upplifun:

Síðan var okkur smalað saman í eina hefðbundna myndatöku og stukku allir spenntir í það þar sem það er svo erfitt að ná svona stórum hópi á góða mynd. Myndin hér að neðan er ekki í góðum gæðum því þetta er ljósmynd af myndinni okkar en þið alla vega sjáið gleðisvipinn á okkur yfir að standa loksins á þessum sögufræga stað.

Og þá var komið að því að leggja í hann. Hópurinn spratt af stað í mikilli bjartsýni en það fór fljótt að renna tvær grímur á marga. Það var ekki nóg með að fyrsti hlutinn væri brattur heldur skein sólin miskunnarlaust á okkur og gerði ferðina mun erfiðari. Fljótlega kom því að því að hópurinn leystist upp og þeir sem gátu hugsað sér að komast á toppinn brunuðu áfram og létu ekkert stoppa sig.

Hinir sem ætluðu líka á toppinn másuðu sig áfram eins langt og þeir treystu sér og hættu þar, hvar svo sem það nú var. Þeir sem hættu sér ekki langt leyfðu búðunum samt að njóta sinna YUAN og keyptu grimmt boli og húfur með Kínamúrsáletrunum. Og sumir létu tilleiðast og fengu sér ís þrátt fyrir viðvaranir og sögðust vera að borða kínverskan Nestle ís. Ó já... en góður var hann og kærkominn.
Þegar hópurinn kom saman í bílinn var ljóst hverjir fóru á toppinn og hverjir ekki. Toppfararnir litu svona út:

Á leiðinni niður vakti Telma Rós gífurlega athygli og hún þurfti að stoppa all nokkrum sinnum og pósa með einhverjum erlendum börnum og fólk snerti hárið á henni um leið og það gekk fram hjá og brosti og tautaði.. “pretty, pretty - - fire”. Og Telma lét þetta yfir sig ganga af mikilli þolinmæði. Pósaði meira segja tvisvar með einhverjum grenjuprinsi sem var haldið með henni á fyrri myndinni meðan hann grenjaði úr sér augun og svo aftur fyrir neðan múrinn og var þá aðeins rólegri. Dæmi um myndauppstillingu:

Þá var komið að næsta lið, að sjá hvernig Ming vasarnir eru búnir til og það kom okkur all flestum mjög á óvart. Þetta er allt handsmíðað úr kopar, festur á þá koparvír og límt niður svo ekkert færist til, síðan málað yfir mörg lög af málningu og alltaf brennt á milli og aftur var það vinnuaðstaðan sem fékk gífurlega athygli. Þarna sat liðið og sumir börðu kopar allan daginn meðan aðrir máluðu eða þurrkuðu málninguna af og allan tímann var hópur af fólki standandi yfir þeim til að fylgjast með. Og drengurinn í ofninum..mamma mia. Þar var heitt og hann stóð þarna inni og lét hlutina síga ofan í glóandi ofninn. Einar spurði hvort þetta væri inngangurinn að helvíti og Anna Kristín sagðist vel geta trúað því. Þetta væri allavega mjög nálægt þeim téða inngangi.

Nú var komið að mat, nammi namm enda allir að verða hungurmorða. Við fórum á veitingastað í sama húsi og þessi koparverksmiðja og þar var byrjað að hlaða á okkur mat. Á borðunum voru aðvaranir um að við mættum ekki stela prjónunum (einnota úr tré) og ekki stela snafsaglösunum en þau voru að vísu aðeins meira virði til að stela. Við náðum þó að hemja okkur og stálum engu en átum þeim mun meira. Þetta var allskonar matur allt frá frönskum á vestræna vísu til fiskiflaks með haus og öllu sem því fylgir á austræna vísu. Mjög góður matur og fínn 56% snafs þegar við loksins þorðum að skella honum í okkur. Fengum góðan og notalegan yl í brjóstkassann þannig að nú var okkur heitt bæði útvortis sem innvortist. Mjög gott. Og næsta skref? Jú auðvitað versla í koparbúðinni.... Jei ekkert fengið að eyða neinu í morgum, skellum okkur í það. Og eins og áður tókst okkur að eyða smotteríi, einu hömlurnar voru ekki peningaleysi heldur frekar tilhugsunin um ferðatöskuburð. En þetta var gaman.

Á þessari stundu voru allir að verða örmagna og við skreiddumst upp í rútu og þar hálfsváfu allir fullorðnir meira eða minna en litlu stelpurnar hjöluðu saman og flissuðu og virtust skemmta sér mjög vel. Voðalega notalegt allt saman. Allir beint upp á herbergi og ákváðu að hittast bara á hótelveitingastaðnum um kvöldið.

Veitingastaðurinn var allur í básum, eða klefum eins og Katha orðaði það. Þannig að við lentum í litlum hópum hingað og þangað. Soldið skrítið en allt í lagi. Maturinn var góður en einum hópnum var fólkið samt soldið skrítið á svipinn þegar glóðaða wokgrænmetið birtist og það var spínat í stönglum, ekkert með. Augljóslega ætlað með einhverju öðru en þjónustan var ekkert að gauka því að fólki. En þetta var líka allt í lagi því í staðinn fékk fólk hlátur útrás og það er alltaf gott.

Snjólaug og Pálína eru búnar að pakka gjöfum af miklum móð og mættu líka með gjafir handa okkur... litla bleika kjóla og húfur í stíl fyrir dæturnar svo þær geti verið allar eins í myndatöku. Gaman að þessu öllu!

Breytt plan

2007-08-29T14:47:00.000Z

Anna Kristín eyddi nærri þremur tímum sunnudaginn fyrir brottför í að færa yfir öll forrit sem þurfti til að skrifa hópasíðuna sem er búin að vera tilbúin í tvö ár. Klikkaði síðan á því að tékka á því að Frontpage væri á tölvunni sem aftur varð til þess að öll skipulagning flaug út í bláinn. Þetta er því plan B. Og kannski bara skemmtilegra að það fari ekki allt eins og ætlað er.

Stokkhólmur
Fyrsti hluti ferðarinnar var til Stokkhólms á mánudagsmorgni. Snjólaug, Ragnar og börn fóru að vísu aðeins fyrr og nutu samvista við fjölskyldu sína sem býr í Stokkhólmi. Aðrir flugu á mánudagsmorgni og strax á Leifsstöð kom fyrsta babbið í bátinn. Nefnilega að flestir voru með skráð á sig INFANT sem ekki var með í för og átti ekki að vera með nema í heimferð. Misjafnlega vel gekk að vinna úr þessu og voru tvær fjölskyldur settar í gífurlega spennu meðan unnið var úr þeirra málum en í fyrstu yppti starfsfólk Leifsstöðvar bara öxlum og sagðist ekkert geta gert. Á meðan biðu hinir sem komnir voru inn í taugakasti hvað yrði úr þessu. Það tókst að redda málunum en þessar tvær fjölskyldur voru bókaðar alla leið til Beijing meðan hinir sem höfðu sloppið betur inn þurftu að skrá sig aftur inn í Stokkhólmi og þá kom téður INFANT aftur upp á skjáinn hjá flestum. Ekki alveg gott fyrir taugakerfið í fyrstu lotu.

Við áttum nokkra tíma í Stokkhólmi og fóru flestir í íbúðina til Snjólaugar og hennar fjölskyldu og fengu að geyma töskur og dót. Fóru þaðan í ýmsar áttir, sumir í gönguferð niður í gamla Stannen, aðrir í garð með börnin og síðan í smá (SMÁ) HM ferð sem vakti mikla öfund hjá þeim sem ekki fóru. Þeir sem ekki fóru til Snjólaugar brugðu sér í Junibakken sem er skemmtigarður Astrid Lindgren. Allir áttu glaðan dag en voru samt bara með hálfan hugann við það sem fram fór. Hugurinn var kominn til Kína og við mættum eldsnemma á völlinn og biðum þar og biðum.

Flugið gekk vel og var á undan áætlun og við reyndum nú að sofa í vélinni en gekk misvel. Það voru því allmargir framlágir á flugvellinum í Beijing í steikjandi hita en þar biðu William og Ivy eftir okkur skælbrosandi og glöð. Ekki að sjá á þeim að þau hefðu misst úr nokkurn svefn nýlega. Þau skutluðu okkur á hótelið og lögðu okkur einhverjar lífsreglur varðandi næsta dag sem er Kínamúrsdagur.

Hótelherbergin reyndust vera risastór og nær því að vera íbúð hjá sumum. Sumir eru með hornbaðkar meðan aðrir eru með einhver dýryndis nuddkör. Sumir hafa tvö sjónvörp og svo framvegis. Og um sexleytið mætir þjónustufraukan og dregur af rúmunum og stillir upp inniskóm fyrir framan rúmin og Anna Kristín sem lá í sófa fékk þá extra þjónustu að fraukan stökk og dró frá sjónvarpinu og rétti henni fjarstýringuna svo hún þyrfti örugglega ekkert að hreyfa sig. VERY NÆS!!!!!

Fyrsta kvöldið fóru allflestir saman á veitingastað í nágrenninu þar sem voru bara myndir á matseðlinum. Þetta var heilmikil upplifun og t.d. reyndust núðlurnar vera smokkfiskur og eitthvað fleira svona smávegis sem allir gátu hlegið að. EN Þetta reyndist heilmikil veisla og síðan fóru Allir að SOFA enda klukkan orðin 20.30 og ekki gott að vera lengi á fótum haha…. Meira síðar...

Styttist!

2007-08-24T08:39:00.000Z

Það er alveg að koma að þessu hjá okkur! Fyrsta fjölskyldan í hópnum, Snjólaug, Ragnar og börn, flugu til Stokkhólms í gærdag og við hin fljúgum á mánudagsmorgun. Þetta varð allmiklu raunverulegra við að þau væru flogin af stað ÚFFFFFFF

Þetta er því síðasti pósturinn á þessa síðu í bili, nema ef síðan fyrir hóp 16, þessi hér virkar ekki en þá mun þessi verða notuð sem bakkupp. Þannig að nú er best að hella sér beint í stressið.... og klára undirbúninginn!

Ekki mikið slúður

2007-08-20T09:28:00.000Z

Lítið slúður ennþá um lokadag næstu upplýsinga en fyrstu fregnir herma að þeir klári 24 nóv. Það ætti því ekki að taka nema einn mánuð ennþá að klára nóvember hinn risastóra mánuð. Og þá fer að styttast í að þeir geti farið að afgreiða einn mánuð á tveggja mánaða fresti, þeas hálfan mánuð í einu en þeir hafa sagt að þeir geti byrjað á því 2008. Vonandi er það rétt, og þó helst fyrr ;)

Af ferðalöngunum fræknu er það að segja að við erum öll að verða tilbúin. Fengum farmiða í hendur á föstudaginn. Þetta varð mjög raunverulegt þegar við héldum á farmiða á nafni Xue FuYun, ohmægod það er að koma að þessu og hún er raunveruleg. Við sátum bara og mændum á miðann með hálfvitaglotti. Sætt samt hehe

Viðbrögð barna fyrsta daginn

2007-08-13T08:02:00.000Z

Sagt er að gróflega megi skipta viðbrögum barnanna fyrsta daginn í fernt:
1. Hamingjusama barnið sem brosir strax og er ánægt með foreldrum sínum.
Þetta barn þarf að læra að brosa aðeins við foreldrum sínum og ekki til allra fullorðinna sem birtast nálægt. Á afhendingardaginn er þetta barn auðveldasta barnið fyrir nýju foreldrana. Það myndar tengsl auðveldlega þar sem þessi hegðun virkaði vel á barnaheimilinu þar sem brosin gátu gefið því auka athygli frá yfirkeyrðu starfsfólkinu.

2. Grátandi barnið sem lítur á foreldrana og byrjar að gráta um leið.
Þetta er erfitt barn fyrir foreldrana því það gæti grátið í nokkra daga. En þetta er barn sem veit sínu viti og þess vegna grætur það. Það veit að lífið hefur breyst og það hefur misst alla stjórn. Foreldrarnir verða að sanna sig fyrir þessu barni áður en þau fá verðlaunin í formi bros.

3. Alvarlega barnið sem skoðar foreldrana og íhugar nýju aðstæðurnar.
Barnið er tilbúið að verðlauna foreldri með brosum en er vart um sig um leið. Barnið gerir sér grein fyrir að miklar breytingar hafa átt sér stað en er rólegt meðan það íhugar aðstæður sínar. Þetta barn getur hrætt foreldra sína vegna þess hvernig það virðist vera inni í sér og bregðast illa við áreitum. En í rauninni er barnið eingöngu að átta sig á nýjum aðstæðum og er tilbúið að verðlauna fjölskyldu sína með brosi um leið og það finnur til öryggis.

4. "Velcro" barnið.
Að síðustu er það barnið sem veit það þarfnast ástar og umhyggju strax og hengir sig á annað foreldrið, yfirleitt pabbann. Þetta barn bregst við nýjum kringumstæðum með því að finna eina manneskju sem sér um þarfir þess og brosir því nær eingöngu til þeirrar manneskju. Þetta barn reynir mjög á tilfinningar þess foreldris sem er úti í kuldanum og þarfnast þolinmæði og skilnings þar til það ákveður að útvíkka heiminn sinn það mikið að hann rúmi tvo foreldra og stærri fjölskyldu.

Hljómar þetta sennilega? Þið sem hafið reynt þetta? Ég fann þetta á netinu og þetta er sagt koma frá "guide" í einni ferðinni.

Stundum fer ekki allt eins og ætlað er

2007-08-10T14:22:00.000Z

Ætla setja hér inn tvær sögur frá síðustu upplýsingum (ágúst) til að sýna að allt getur gerst. Fyrra dæmið er fjölskylda sem fékk engar upplýsingar og engar skýringar á því hversvegna. Það eru tvær aðrar fjölskyldur með sama LID hjá umboðinu hennar og þær fjölskyldur fengu sínar upplýsingar. Umboðið segist ekkert vita hvers vegna þeim var sleppt og vill ekki gera neitt til að tékka á því. Ég veit ekki hver er staðan hjá þeim núna en þau fengu veit ég upplýsingar hjá konunni sem var sleppt í mars um hvernig ætti að bera sig að við að tékka á því hvað væri að gerast.

Hitt dæmið er öllu verra og sorglegra. Fjölskylda með LID 18 nóv fékk upplýsingar um barn og fóru með upplýsingarnar til læknis áður en þau samþykktu og þar risu upp mörg rauð flögg sem varð til þess að leitað var eftir frekari upplýsingum og þá kom í ljós að barnið hefði átt að vera í SN en ekki í NSN. Þessi fjölskylda treysti sér ekki til að taka barnið þar sem þau eiga fyrir son sem er einhverfur og getur ekki tjáð sig. Þetta sýnir að það er eins gott að læknir les yfir allar okkar skýrslur vegna þess að við sem ekki eru þjálfuð til að lesa úr svona upplýsingum við sjáum ekki hvað getur verið athugavert. Þetta er náttúrulega voðalega sorglegt fyrir alla aðila en samt betra að svona komi upp áður en farið er til Kína og þar lendir fólk kannski í því að neita að taka við barninu. Það er víst alltaf að gerast og er víst skelfilegur process. Og ekki er víst að þau börn verði ættleidd því oft eru þau þá orðin of gömul til þess að flokkast sem NSN því pappírsvinnan er svo mikil ef þau lenda aftur inn í kerfið.

Þetta eru jú undantekningar, það eru miklu fleiri sem fara vel. Hinsvegar finnst mér athyglisvert að þessi bæði tilfelli eru úr sama mánuði.

Allt er breytingum háð

2007-08-07T08:44:00.000Z

Ég held að það sé alveg á hreinu að þessi síða er að breytast. Áhuginn á stöðu mála í Kína er aðeins minni í augnablikinu því það kemst ekkert annað að en staðan hjá okkur sjálfum ;). Ég ætla að halda henni opinni alla vega þar til eftir Kínaferð því ég veit ekki alveg hvernig okkur gengur að pósta á sameiginlega síðu hópsins og þessi verður því eins konar bakkupp fyrir ferðina. Síðan hugsa ég að hún lokist bara. Það eru allar upplýsingar á síðunni hjá RQ sem er óþreytandi að birta nýjar upplýsingar. T.d eru núna upplýsingar um líklega stærð desember o5 og janúar o6 og pælingar í áframhaldi af því. Læt henni því eftir þennan þátt mála en breyti þessari síðu í aðeins heimilislegri síðu eða almenna undirbúningssíðu fyrir Kína;)

Við erum að skoða pakklista og það er mikið fyndið að skoða þá suma. Sumir hafa nánast ekkert með sér meðan aðrir eru með með hluti sem virka stjarnfræðilega furðulegir í mínum augum. Ég hef hinsvegar aldrei pakkað fyrir barn fyrr og aldrei ferðast með barn, jú fyrir utan Flórens ferðina um daginn þegar Molinn kom með mér heim en þá sá mamma hans um pökkunina. Ég sá bara um að finna réttar leiðir. Það er því soldið undarlegt að horfa á pakklistana og reyna að hugsa hvað það nú er sem ég gæti komið til með að nota. Bleyjur og samfellur, huh? og pokann víðfræga? Nú er Yun orðin svo stór að það er ekkert víst að hún vilji neitt með svona kengúrupoka hafa en verð ég samt ekki að taka hann með svona in keis? Ég hugsa að ég geti nefnilega orðið all þreytt að bera þessi auka 10 kg (nærri 11 ef síðustu tölur eru réttar) um Kína. Hvað með pela? Hvað segið þið konur sem hafið fengið börn sem eru þetta gömul? (hún verður 16 mánaða þegar við fáum hana í fangið). Tókuð þið með pela og þá hvernig pela? haha þetta er eins og annað land fyrir mér, ég hef jú auðvitað séð þetta dót allt saman en þetta virkar allt mjög flókið, stærðir og mismunandi gerðir og útlit og allt það...

En spenningurinn er orðinn mikill!!!

Upplýsingar komnar

2007-08-03T07:19:00.000Z

Upplýsingar eru komnar fyrir ágúst mánuð og ég verð að viðurkenna að mér finnst mjög stutt síðan síðustu upplýsingar komu. Það leið sko ekki svona stuttur tíma á milli meðan við vorum að bíða. Þetta fer sem sagt alveg eftir því hvar maður er staddur í ferlinu ;) Nú fer að styttast í að þeir klári nóvember og þá er bara desember eftir af árinu 2005 og eftir það fer vonandi að gerast eitthvað aðeins meira. En ég hef séð nokkra spá því að þegar yfirferð 2005 sé lokið þá sé líklegt að farið verði að birta 2 vikna skammt í stað þess sem nú er gert.

Næsta cutoff

2007-08-01T22:52:00.001Z

Það er komin óopinber staðfesting á að næsta cutoff fyrir upplýsingar sé 21 nóv. Það eru 7 dagar. Sem er ekki slæmt því það er vitað að 22 nóv er stór, stór dagur. Það ætlar að ganga eftir að það taki 4-5 mánuði að fara yfir nóvember.
maí: 1 nóv
Júni: 2-7 nóv
Júlí: 8-14 nóv
Ágúst 15-21 nóv??
September: 22-27 eða 28 nóv
Október: rest af nóv og byrjun des.

Til hamingju hópur 19

2007-07-27T08:07:00.000Z

Með að vera kominn úr review ;)))) Það er greinilega eitthvað að gerast þarna hinum megin þessa dagana:

Meira um ferðaleyfin

2007-07-26T07:23:00.000Z

Þau eru ekkert smá fljót að berast núna. Það eru innan við tvær vikur hjá þeim sem hafa beðið styst sem mundi þýða næsta vika hjá okkur ef það gengur eftir. Það er alla vega einn bandarískur hópur sem ég hef heyrt um sem búið er að vara við að þau gætu ferðast mun fyrr en reiknað var með. Tvær fjölskyldur eru með 13 ágúst sem dag til að taka á móti börnunum og við erum að tala um fólk sem fékk upplýsingar 6. júlí. Þetta er frábært. Ég vildi óska að þetta gerðist hjá okkur líka og við færum út fyrr en við reiknum með.

Fyrstu ferðaleyfin farin að berast

2007-07-25T08:09:00.000Z

JESSSSSSSSSSSSS.... búin að heyra frá tveimur í júlíhópnum sem eru búnar að fá ferðaleyfin (TA) sem þýðir að að þau reikna með að ferðast í vikunni 17 ágúst.

Okkar fór út rúmlega viku seinna en þeirra... ÞAÐ FER AÐ KOMA AÐ ÞESSU... tralalal verð að syngja það...

Rússíbaninn

2007-07-23T10:21:00.000Z

Mikið afksaplega er ég fegin að vera laus við rússíbanann. Núna stend ég aðeins við hliðina og horfi á ferðina sem er að hefjast og hún er ekki skárri en venjulega. Bjartsýnasta ferðin (og ég veit ekki hvað það lið var að reykja) sagði allur nóvember og hluti af desember næst. Það er búið að bera það til baka og meira segja láta fólk vita sem er 21. nóv að það sé ekki með. Úff ég vona að það sé rangt. Nú þarf þetta að fara að ganga svolítið svo hópur 17 fari að fá sínar upplýsingar en þau eru NÆST!

Góða ferð

2007-07-21T10:46:00.001Z

Mig langar að óska hópi A góðrar ferðar en þau leggja af stað á morgun til Kína. Spennandi kafli í lífinu að hefjast. Síðan fer hópur B eftir tvær vikur og SVO kemur að okkur. Gangi ykkur vel og skemmtið ykkur vel og njótið Kína í botn...

Hvað er að gerast?

2007-07-18T09:38:00.000Z

Já þið verið bara að hafa smá biðlund því af einhverjum ástæðum er ég ekki alveg eins niðursokkin í hvað er að gerast í slúðrinu í heiminum. Ég hef bara áhuga á því sem er að gerast í kringum hóp 16. Þetta er þetta klassíska dæmi um að hugsa bara um sjálfan sig hehe

Við höfum verið að reyna að finna upplýsingar um barnaheimilið en það eru ekki mikið um slíkt en þó eitthvað. Allt sem ég hef lesið til þessa ber þó að sama brunni; það er afskaplega vel haldið utan um börnin frá þessu heimili og þau eru öll í fóstri. Fólki ber saman um að að þau séu almennt mjög vel haldin og vel staðsett þroskalega séð. Litla dóttir mín fór t.d. að ganga 13 mánaða (svakalega er gaman að skrifa þessi orð "litla dóttir mín") og það skal viðurkennast að börnin í minni stórfjölskyldu hafa ekki öll farið að ganga svo snemma þrátt fyrir að hafa allan stuðning stórfjölskyldunnar ;) Ég er því mjög stolt af litlu Yun minni. Fjölskylda mín hlær að því að það kemur fram í skýrslunni að hún flettir bókum og þau vilja meina að mér hafi mikið létt (ok ok ég viðurkenni að mér fannst það frábært) og það kemur líka fram að henni finnst gott að borða og er hamingjusamt barn. Hún ætti því að passa fullkomlega inn í þessa fjölskyldu sem elskar að búa til og borða góðan mat og les bækur eins þær hafi verið gerðar bara fyrir okkur ;)

Nýtt slúður

2007-07-17T09:05:00.001Z

Jæja lífið heldur áfram þó það sé í aðeins öðrum gír en áður ;) Þannig heldur slúðrið áfram líka. Nýjasta nýtt er að eitt umboð hefur haft samband við skjólstæðinga sem eru með LID 12 des og sagt þeim að þau verði með næst. WHAT???? Spurning hvort þeir séu á lyfjum eða hvort þeir vita eitthvað meira en hinir.

Annað slúður sem fer hærra og hærra er að CCAA sé að hækka gjaldið og er talað um að það komi til með að hækka í 4000 dollara en það hefur verið óbreytt í allavega 15 ár. Sum umboð eru þegar búin að hækka og segir sagan að CCAA hafi gefið umboðum frjálsar hendur til að hækka strax... skil það ekki alveg... fá þeir þá hækkunina eða umboðið??? Spyr sá sem ekki veit.

Og við, hinn káti hópur 16. Við erum enn í skýjunum með fallegu dæturnar okkar. Erum búin að hittast og bera saman bækur okkar og dást að þessu öllu og bara yfirleitt vera hamingjusöm saman ;)

Við höfum ákveðið að virða reglur ÍÆ um að birta ekki myndir á netinu fyrr en við leggjum af stað í september en þá fáið þið heldur engan frið hehe Þangað til verið þið bara að trúa mér þegar ég segi að þær eru allar gullfallegar og flinkar og.... já ég get haldið áfram að telja upp ;)

BROS BROS BROS

2007-07-13T07:39:00.000Z

Hópur 16 er kominn með fréttirnar sínar. Við fengum símtölin langþráðu í gær og hittumst flest niður hjá ÍÆ um 7leitið í gærkvöldi. Við erum svo hamingjusöm að ég persónulega hélt að það væri ekki hægt að vera svona hamingjusamur.

Við eigum átta dætur. Fæddar í byrjun árs 2006. Meira get ég ekki sagt þar sem hvert foreldri verður að fá að tilkynna sínar fréttir ;) En ég get samt sagt ykkur að þær eru ALLAR ÆÐISLEGAR. Já og koma frá Hubei héraði ;)

Áfastur sími

2007-07-12T15:50:00.000Z

Hvað ætli það taki langan tíma fyrir síma að gróa fastann við mann? Held að minn sími sé að verða þannig! Tek kipp í hvert skipti sem síminn hringir og ykkur að segja hefur aldrei verið jafn mikið hringt í þennan síma eins og síðustu tvo daga. Skrítið!

Annars er lítið að frétta. Fólk er farið að spá í hvenær næstu upplýsingar gætu borist, ég er ekki alveg í formi til að velta mér upp úr því, best að klára þessar fyrst ;)

Erfiðir dagar

2007-07-11T08:24:00.000Z

Ég verð að viðurkenna að ég er sammála þeim sem hafa skrifað í kommentin um að þessir síðustu dagar fyrir upplýsingar, meðan beðið er eftir að fá fullvissu um hvort við séum með, eru þeir al erfiðustu í biðinni fram að þessu. Ef þessu fer ekki að ljúka bráðlega þá skilur öll fjölskyldan við mig!

Annars er ég búin að vera skoða annarra manna myndir og my god ekki styttir það biðina, held það sé betra að sleppa því. Hins vegar sá ég athyglisverðar myndir í morgun. Það eru tvö stúlkubörn frá sama stað, fæddar með 10 daga millibili og þær eru svo líkar að þær gætu verið tvíburar. Úff ætli það komi oft upp að tvíburum sé sundrað?

Og svo í allt annað. DanAdopt í Danmörku er búið að auglýsa hækkun á ættleiðingargjöldum. Þeir segja að allt hafi hækkað mjög mikið og segja t.d. að ættleiðing frá Kóreu hafi farið úr DKK 93.000 upp í DKK 134.000. Það er skolli mikið sjá hér og hér .

ps. Á laugardag er komið 20 mánaða LID afmæli. TUTTUGU mánuðir!!!!!!

Bíðum og bíðum og bíðum

2007-07-10T07:55:00.000Z

Það hlýtur að koma að þessu að lokum. Rétt eins og Heiða þá hef ég síma sem er gróinn fastur við mig. Það hefur aldrei áður gerst í mínu lífi en ég verð svo sem að viðurkenna að ég hef aldrei beðið eftir svona mikilvægu símtali fyrr!

Hópurinn er orðinn mjög spenntur og það má ekkert segja án þess að maður bresti í taugaveiklunarhlátur og horfi svo fjarrænt eitthvað út í bláinn.

Ég verð nú að segja frá þeim allra sneggstu af þeim sem ég hef séð. Það er kanadískur hópur sem fékk upplýsingar síðasta fimmtudag, samþykkin voru send út á föstudag og þau eru komin með bráðabirgadagsetningu til Kína 17 ágúst. WOW þetta er hraði!

Löng helgi liðin

2007-07-09T12:34:00.000Z

Mikið afskaplega var þessi helgi löng. Þó hittist meirihluti hópsins á laugardag í kínverskum mat og talaði um væntingar okkar. Það stytti stundirnar ;)

Það eru að detta inn upplýsingar hjá fólki erlendis og so far er ég búin að sjá tvær tilkynningar frá fólki sem hefur sama LID og við þannig að við eigum að vera með. Það er bara svo stressandi að heyra ekkert þá fer maður að ímynda sér allskonar vitleysu.

Langþráð mynd!!!!!!!!!!!!!!!!!!!!!!!!!!!!!!

2007-07-06T08:02:00.001Z

Símtöl í USA

2007-07-05T22:56:00.000Z

Vesturströndin er farin að fá símtöl
trallalalal þetta er allt að gerast

Búið að tilkynna fyrsta barnið í nóvembergrúbbunni, það er auðvitað á vesturströnd usa og er stúlka frá Yujiang SWI í Jiangxi og hún er fædd 18. des 2006.

Hver þarf að sofa eftir svona fréttir?

Ekkert að nálgast?

2007-07-05T18:29:00.000Z

Það eru engar fréttir ennþá af neinum sem búinn er að fá hringingu. Evrópa er löngu búin að loka sínum skrifstofum og spurning hvort einhverjir í Ameríku fá í dag en annars heyrist mér flestir reikna með að fá pakkann í hendurnar á morgun. Og þá er ekki hringt fyrr en seinnipartinn á morgun eða á mánudag.

Okkar pakki fer til ÍÆ og þaðan í "læknisskoðun" og þýðingu?? og síðan fáum við símtalið langþráða. Biðin er því alls ekki búin ;) og við vitum auðvitað ekki hvenær DHL birtist!

Nú fer spenna í hönd því þetta eru 8 börn og við vitum jú hvorki kyn eða aldur ennþá. Mestar líkur eru á stelpubörnum en strákum hefur þó farið fjölgandi frá Kína þó ekki hafi margir komið hingað enn.

Síminn er því fastur við okkur og maður þorir ekki að hreyfa sig úr GSM sambandi því þá er eins víst að kallið komi.

Og þá er það smá update á hver staðan gæti verið fyrir þá sem eftir koma. Samkvæmt útreikningum yfir þær tölur sem við getum skoðað þá ætti nú 41,8% af nóvembermánuði að vera búinn. Þetta er risa mánuður eins og margoft hefur komið fram og það er reiknað með að það taki 2-4 mánuði að fara yfir restina. Flestir virðast hafa LID í kringum 21 og 22 nóv eða um tæp 22% af heildinni. Það er soldið mikið. Hinsvegar þá urðu allir ofurjákvæðir af því tókst að bæta 14 nóv við júlí en áður hafði verið reiknað með að 11-13 yrði lokadagur. Þetta er því einum degi meira en bjartsýnustu menn þorðu að vona.

Ef allt gengur upp samkvæmt þessum spám þá ætti nóvember að klárast í síðasta lagi í nóvember á þessu ári og byrjað að fara yfir desember í þeim sama mánuði. Spurning hvort okkar 17 hópur verði nokkuð fyrr en í desember eða janúar ;((((( Þá eru komin tvö ár frá LID og Kínverjar hafa sjálfir sagt að í lok árs 2007 verði biðin líklega komin í tvö ár. En þeir hafa líka sagt að 2008 muni þeir fara að afgreiða aftur 15 daga í einu. Þannig að vonandi byrja þeir á því sem fyrst.

Almennt er fólk að verða sammála um að það virðist vera sem einhver kvóti sé í gangi þó enginn vilji viðurkenna það. Árinu lýkur að ég held 30 nóv á hverju ári og þá hefst nýtt ár með nýjum tölum þannig að það er alltaf von til þess að hlutirnir fari að ganga betur. Hinsvegar ef fólk setur niður mánuðina eftir því sem hefur verið að gerast núna þá er útkoman hreint út sagt skelfileg fyrir þá sem eru nýkomnir í ferlið.

En ég held samt því miður að það sé litlar líkur að 17 sé að fá neitt í hendur fyrr undir lok þessa árs. Því miður vildi ég geta sagt eitthvað annað. Það er búið að taka frá því í febrúar að fara yfir 1 mánuð af upplýsingum og nóvember er hálfnaður í dögum en ekki hálfnaður í prósentum

Review fréttir

2007-07-05T09:44:00.000Z

CCAA er búið að uppfæra á heimasíðu að maí 2006 er kominn út. Sumarmánuðurnir ættu síðan að vera fljótir í skoðun. Til hamingju með þetta.

Staðan!

2007-07-05T08:19:00.000Z

Ég held það sé opinberlega hægt að segja að við séum inni! Það er ekkert sem bendir til annars. Æ fleiri aðilar eru búnir að birta lokadag sem 14 nóv og fólk erlendis er farið að fá hringingar með þeirri staðfestingu. Hér kemur því smá snoopy dance klikkið hér

Mig langar líka fyrir hönd hóps 16 þakka öllum sem eru að fylgjast með okkur, við finnum gífurlegan stuðning og fyrir það erum við óendanlega þakklát. Sem dæmi hafa flettingar á þessari síðu farið upp í tæplega 600 síðustu daga þannig að vitum að þið eruð þarna ;)

Fríða í hópi 15 setti þetta ljóð inn á kommentin í gærkvöldi og mér finnst það svo fallegt að ég ætla að færa það hingað upp, takk fyrir þetta Fríða ;)

Kisses in the wind.
I hold you in my heart and touch you in my dreams.
You are here each day with me, at least that’s how it seems.
I know you wonder where we are... what’s taking us so long.
But remember child, I love you so and God will keep you strong.

Now go outside and feel the breeze and let it touch your skin...
Because tonight, just as always, I blow you kisses in the wind.
May God hold you in His hands until I can be with you.
I promise you, my darling, I’m doing all that I can do.

Very soon, you’ll have family of real, not just pretend.
But for tonight, just as always, I blow you kisses in the wind.
May God wrap you in His arms and hold you very tight.
And the angels bring the kisses that I send you each night.
--Author unknown

Og aftur takk öll, og nú er bara að bíða eftir símtalinu okkar ;)

R5 á slúðrið

2007-07-04T20:48:00.000Z

RQ er búin að setja R5 á lokadaginn 14 nóvember. Það er ekkert sem fær R5 nema vera verulega, verulega pottþétt ;))))))

Þannig að ég færi bara myndina úr síðasta pósti aftur hingað upp

Á leiðinni til okkar ;)))

það er hinsvegar ekki alveg ljóst hvenær pakkarnir voru sendir af stað og virðist sem þeir hafi ekki verið sendir fyrr en í dag??? Skil ekki hvernig fólk vissi þá cutoff mörgum áður en dótið var sent... spyr sá sem ekki veit... en mér er svo sem sama meðan ég er með þá er lífið ljúft ;)

Ætla að setja inn á eftir eða morgun hvað þetta gæti þýtt fyrir þá sem eru næstir í röðinni ;)

Ok tökum sénsinn

2007-07-04T17:05:00.000Z

Það eru nokkur umboð á Spáni og í Kanada búin að lýsa því yfir að 14 sé cutoff..... Eigum við ekki bara að trúa þeim?

Ekkert uppfært enn... en

2007-07-04T07:45:00.000Z

USA er ekki búið að fá neinar upplýsingar ennþá og flestar skrifstofur eru lokaðar í dag vegna 4. júlí hátíðarhalda. Hinsvegar er eitt Evrópuland komið með upplýsingar en ekki búið að hafa samband við neinar fjölskyldur (enda klukkan kannski soldið lítið ennþá, best að gefa þeim séns).

http://www.chinaadoptionforecast.com/ er búið að uppfæra hjá sér og er lokadagur samkvæmt þeim.... 14 nóv...

CCAA er ekki búið að uppfæra sem er ekki skrítið ef skrifstofur eru ekki búnar að fá neinar upplýsingar ennþá.

Ég er 99,9% viss um að við erum með þó ég þori ekki að fagna fyrr en ég sé einhverja síðu með staðfestingu á þessu (einhverja aðra en þessa hér að ofan).

Það fer því í hönd annar sólardagur þar sem við bíðum spennt en samt .... held við séum inni ;)

Á ég að þora?

2007-07-03T17:49:00.000Z

Ég veit ekki hvort ég á að þora að segja það en það lítur út fyrir að hvísl við höfum náð inn

Það er allt vitlaust í nóvember grúbbunni og fólk er fullvisst um að tímabilið sé 8-14 nóv! Ég þori ekki alveg að segja það upphátt en mér skilst að það séu einhver umboð í ameríkunni búin að setja það á almennu vefsíðurnar hjá sér!

Hinsvegar er enn umboð sem segja að þau eigi ekki von á neinum pakka í pósti en það var nú líka síðast og svo kom pakki seinna um daginn.

R4

2007-07-03T12:10:00.000Z

Komið update, nú er það R4 og spennan vex..

Ferðaleyfin eru byrjuð að tínast inn

2007-07-03T07:02:00.000Z

Og það þýðir bara eitt... upplýsingarnar eru rétt ókomnar. Ég held ég hafi bara ekki sofið neitt eða alla vega MJÖG lítið og illa! Við erum enn á stigi R3 þannig að við erum enn í limbóinu.

Upprifjun á R-umsögnunum
R1 Er eitthvað sem hefur mjög lítið vægi. Það hefur einhver sagt það en er mjög ótrúverðugt.
R2 er slúður sem vert er að hafa auga á
R3 Slúður sem þarf að fylgjast með er hefur ekki alveg nóg á bak við sig til þess að hægt sé að segja "þetta er það sem gerist". Slúður sem segir eitt getur haft R3 á meðan slúður sem segir akkúrat það gagnstæða hefur það líka.
R4 Slúður sem hljómar vel og kemur beint frá einhverjum trúverðugum aðila sem hefur oftar en ekki haft rétt fyrir sér þegar kemur að þessu en er samt ekki alveg nóg til að fá R5 á þessu stigi.
R5 Mjög, mjög trúverðugt sem er eins nálægt staðreynd og hægt er að hugsa sér. Það kemur annaðhvort frá einum aðila sem hefur oftast rétt fyrir sér eða frá mörgum aðilum sem allir segja það sama.

R3

2007-07-02T17:20:00.000Z

Það er kominn R3 á 14... ég er að fara yfir um hér..

Upplýsingar á leiðinni??????

2007-07-02T13:14:00.000Z

RQ gefur því R3 að upplýsingar hafi verið sendar frá Kína í dag (sem sagt síðustu nótt að okkar tíma) og R2 að lokadagur sé 14 nóvember

ó mæ god, þetta verður erfitt skal ég segja ykkur! Það er held ég alveg á hreinu að lokadagur verður annaðhvort 13 eða 14, við annað hvort rétt missum af eða við rétt náum inn.

Hinsvegar er þetta hvorutveggja bara slúður ennþá. Það er ekki fyrr en það er R4 sem við getum farið að trúa á þetta og R5 þá er það öruggt. Við erum því enn á slúðurstiginu því það eru önnur umboð sem segja að það sé ekkert farið af stað ennþá.

Þá er það stóra spurningin

2007-07-02T08:58:00.000Z

Fáum við að vita í þessari viku hvort við erum með? Ég get upplýst það leyndarmál að hópur 16 er á nálum og einbeitingarskortur hrjáir alla vega suma meðlimi hópsins. Þessi vika gæti orðið vikan sem við fáum að vita hvort við höfum eignast börn!!!

Slúðrið er enn alveg í lágmarki og er t.d enn ljóst hvort byrjað er að para eða ekki. Nokkrir sem hafa LID 17 nóv segjast vera búnir að fá símtal um að þeir séu ekki með. Aðrir naga enn neglur og bíða og bíða.

R3

2007-06-30T10:06:00.000Z

Loksins fór slúðrið af stað. Næsta vika verður rússibani skal ég segja ykkur. Það er R3 staðfesting á að lokadagur verður 10-17 nóv. Það er mjög, mjög vítt bil. Fleiri hafa sagt að lokadagur verði á bilinu 10-14. Ég held að það sé rétt. Nú er bara að vona að það verði 14 en ekki 13 og alls ekki 10 PÚFF!

Það væri samt frábært ef þeir næðu til 17 því þá er séns á að þeir nái að klára 22 nóv í næsta mánuði en það er stærsti dagur nóvember mánaðar og frekar litlar líkur á að þeir fari lengra í það skiptið. En best að einbeita sér bara að 17 svona í fyrsta kastinu.

R3 er eitthvað sem ekki er staðfest en þó nógu margir sem minnast á það til þess að það verði að gefa því gaum

Að fara á límingunum

2007-06-29T09:09:00.000Z

Það er ekkert slúður ennþá. Það er reyndar svo lítið að það þarf ekkert að segja til að fólk fari alveg á límingunum. Það gerðist í gærkvöldi þegar skilaboð komu um að eitthvað umboð hefði sent bréf um að næst kæmu bara 2 dagar. Fólk með Nóv lid (og fleiri) gjörsamlega fór úr sambandi og eftir heilmiklar umræður fram og til baka komu skilaboð frá fleirum sem líka fengu þetta bréf um að viðkomandi hefði lesið vitlaust úr því og það sem raunverulega stóð í því var sem sagt að það væri ekkert slúður annað en þetta pínkulitla sem kom í upphafi mánaðar um að það gæti komið 2 dagar næst.

Þegar fólk er búið að bíða svona lengi þá eru allir "tense" og því viðbúið að hægt sé að lesa allskonar vitleysu og heyra bara það sem maður vill heyra.

Við höldum því bara áfram að naga neglur og ganga og ganga og ganga svoldið meira. Ég verð búin að ganga til Kína ef þetta heldur áfram lengi enn ;)

Fimmtudagur

2007-06-28T09:43:00.000Z

Enn er ekkert slúður. Það eru getgátur um það að þar sem CCAA er að visitera heiminn að þeir hafi tekið lekann með sér. Þeas þeir sem hafa lekið slúðrinu undanfarna mánuði séu nú uppteknir á ferðalögum um heiminn og geti því ekki lekið neinu. Já, já það getur bara alveg verið, það er alla vega furðulegt hversu djúp þögnin er.

Mig langar líka að óska fjölskyldunum fimm til hamingju sem eru loksins að fara að sækja börnin sín. Nú er langri bið loksins að ljúka. Ég get ekki beðið eftir að komast í þeirra spor

Er búið að loka?

2007-06-27T17:07:00.000Z

Skil ekki hvað varð um þetta

Mér finnst alveg kominn tími á að opna hana fyrir þennan mánuð. Ég er alveg tilbúin að fara að standa upp úr stólnum og fara kannski í þessa

Fyrsta slúðrið

2007-06-26T15:31:00.000Z

Jesssss skrímslið er að vakna...
Fyrsta slúður segir að 18 nóv verði ekki með í þetta sinn. Ok
Annað slúður segir að nóvember klárist í ágúst
Haha þeir hljóta að vera á lyfjum. Það eru komnir 2 mánðir og búið að fara yfir 7 daga. Það eru þá eftir 23 dagar til að fara yfir í júlí og ágúst. Hvernig hljómar það? Jú það hljómar skemmtilega en er ekki sennilegt því miður. EN slúður er slúður og bara það að það skuli vera að nefna dagsetningu sem er á EFTIR okkar dagsetningu fær mig til að brosa allan hringinn!

Dauðaþögn

2007-06-26T10:56:00.000Z

Það er það eina sem hægt er að segja. Það er dauðaþögn. Það er ekki einu sinni orð um hvort það sé byrjað að para eða ekki.

Vika í næstu upplýsingar?

2007-06-25T08:12:00.000Z

Já nú gæti verið vika í næstu upplýsingar en það er ekkert óðelilegt að reikna með að þær gætu komið í næstu viku. Enn er ískyggilega þögult og ekki neitt um slúður.

Það er smávegis verið að velta sér upp úr því að einn stjórnandi á ættleiðingarskrifstofu sagði konu með lid 22 nóv að hún fengi upplýsingar í september. Hún hringdi víst til Kína og spurði og fékk þessi svör. Ahemm einmitt! Ef það er svo auðvelt að fá svör bara með því að hringja, afhverju gera það ekki fleiri? Ég tel því ekki mikinn áreiðanleika fylgja þessari frétt. Hinsvegar eru allmargir á þeirri skoðun að 22 fái upplýsingar í sept þar sem 22 nov er langstærsti dagurinn í nóvember og þegar hann verður með í upplýsingum er líklegt að ekki verði margir dagar með, jafnvel bara tveir eða þrír. Það er allavega rétt að búa sig undir þann möguleika.

Ég er hinsvegar búin að vera að safna nöglum fyrir þessa viku og ætla nú í miklu stresskasti að byrja að naga þær alveg upp í kviku haha as if.. en verð að viðurkenna að það er mikill órói í mér og ég vildi að þessi vika væri búin og næsta hálfnuð...

Til hamingju hópur 18!

2007-06-22T09:26:00.001Z

Til hamingju með að vera loksins komin út úr review herberginu ;)

Það er búinn að vera óþolandi langur tími og tími kominn til að sjá einhverjar breytingar. Ég man þegar við komust loksins úr review hvað mér fannst við kominn loksins eitthvað áleiðis.

Munstur?

2007-06-21T07:56:00.000Z

Það er alltaf verið að koma með nýjar samsæriskenningar um það af hverju þessi fj****** bið hafi lengst svo mikið. Sumar eru skemmtilegar og sumar eru hmmmm fjarstæða. En það er ein sem er lífsseig og það er varðandi fjölda daga sem afgreiddir eru í hverjum mánuði samanborið við mánuði í fyrra. Svona lítur það út:

2006: 11 + 18 + 12 + 5 + 7 + 9 = 62
2007: 19 + 16 + 11 + 2 + 6 + 6 = 60

Næstu mánuðir 2006 voru: 13+15+9
Gætu þá næstu þrír verið: 11+13+7?????????

Nei ég segi bara svona ;)

Það er samt athyglisvert að frá því í febrúar er ekki búið að afgreiða nema tæplega mánuð, á fjögurra mánaða tímabili.

En það eru bara um það bil tvær... TVÆR... tvær vikur til næstu upplýsinga

Og biðin lengist enn

2007-06-18T09:04:00.000Z

CCAA eru búnir að vera á ferðalagi og heimsækja ýmis lönd (þeir virðast gera þetta á hverju ári, því þeir gerðu þetta í fyrra líka). Þeir eru búnir að heimsækja Ástralíu og Nýja Sjáland og eru núna í USA. Á báðum stöðum (Á og NS) er haft eftir þeim að biðin gæti farið í 2,5-3 ár. Jebb svo er nú það. Hinsvegar er það svo sem ekkert sem kemur á óvart á þessu stigi því um næstu mánaðarmót verður stór hópur búinn að bíða í nærri því 20 mánuði. Hinsvegar held ég að þeir viti ekki sjálfir hversu löng biðin gæti orðið því þeir segja að "biðin gæti farið í 2,5-3 ár".

RQ birti link á sjálfboðaverkefni sem fór á nokkur barnaheimili og setti upp hreinsibúnað fyrir vatn þannig að hægt væri að nota vatnið beint úr krönunum í stað þess að þurfa alltaf að sjóða það fyrst. Ef þið farið inn á linkinn og veljið Kína þá eru þar myndir frá verkefninu og myndir frá að því er ég held 7 eða 8 barnaheimilum. Mikið af börnum en sá sem tók myndirnar segir að þeim hafi fækkað mjög mikið. Hann segir forstöðumenn barnaheimilanna tala um að 30-60% færri börn séu á barnaheimilunum nú sem er mjög gott mál. Eitt heimilið sem þeir komu á er á 6 hæðum og nú er búið að loka 4 þeirra en fyrir 2 árum voru allar hæðir fullar. Á því tiltekna heimili eru helmingur eða rúmlega helmingur barnanna með sérþarfir.

Forstöðumennirnir fullyrða að skýringarnar séu þær að færri börn eru borin út (FRÁBÆRT) og mikil aukning sé í innanlandsættleiðingunum (sem er líka FRÁBÆRT). En hér er alla vega linkur á þessa síðu, það er alveg þess virði að verja smá tíma í að skoða hana:
Myndasíða veljið China 2007 og þá eru þarna um 200 myndir.

Kærkomin helgi

2007-06-15T08:32:00.001Z

Já í þessum mánuði er gott að fá helgar því þær marka biðina. Núna eru bara tvær aðrar helgar eftir þar til við vitum hvort við þurfum að bíða mánuð í viðbót jihei.

Í gær las ég spá fram í tímann sem einhver MJÖG töluglöggur er búinn að setja fram. Þetta er langtímaspá og hann byggir hana á upplýsingum frá því í nóv 2005 þegar byrjaði að hægja verulega á öllu ferlinu. Hann segir að það sé augljóst munstur í upplýsingunum þannig að árið 2006 og 2007 harmóni alveg saman. Hvort það er tilviljun eða ekki á nú eftir að koma í ljós. Hann spáði því samkvæmt þessum tölum að þeir mundu ná til 06 nóvember síðast (en þeir fóru til 7.nóv) og vill meina að næst nái þeir til 16-18 (fer eftir því hvenær upplýsingar birtast segir hann). Fyrir ótöluglögga konu eins og mig er afskaplega erfitt að lesa í þessar upplýsingar (held það hafi tekið mig hálftíma að skilja þetta) en það tókst. Ég er ekki að segja að þetta séu sennilegar upplýsingar en þær eru samt áhugaverðar. Ég er ekki alveg tilbúin að fórna sætinu mínu þar sem ég sit og horfi á rússibanann en samt... hinsvegar er fólk almennt mjög vart um sig þennann mánuðinn. Meira segja fólk sem er með LID 11. nóv þorir ekki að segja "ég er næst" og þeir sem eru 9. nóv segjast vera nokkuð vissir en samt ekki 100%. Svona erum við orðin ;)

Nítján mánaða LID

2007-06-14T07:49:00.000Z

jeiiiiiii þetta er kannski ekkert hjartanlegt jeeiiiii en jeiiii samt sem áður því við mjökumst áfram. Í dag eru sem sagt nítján mánuðir frá því umsóknin okkar var logguð inn í Kína. Margt búið að gerast á þeim tíma.

Fyrsta slúðrið er komið upp en það er lítið og ómerkilegt og ég verð að segja eins og er að það snertir mig ekki neitt. Ætla að setja það hér með af því það er komið á stað en það segir ekki neitt og alger óþarfi að fara í hringekjuna strax. Ég nenni ekki einu sinni að standa upp og fara í röðina fyrir þetta slúður.

Slúður 1: Að næstu upplýsingar verði svipaðar og þær síðustu að stærð. Sem segir ekki neitt. Svipaðar hvernig? Jafn margir dagar eða jafnmörg LID?

Slúður 2: Næstu upplýsingar verða stærri en við höfum séð lengi. Haha ég get nú ekki annað en hlegið. Höfum við ekki heyrt þennan áður? Mér finnst hann svo svakalega kunnuglegur eitthvað haha við fáum okkur nú bara kaffi meðan við bíðum eftir að þessi umferð gangi yfir.

Slúður 3: Segir að LID 21 nov ættu að fá upplýsingar í ágúst eða september. En ekki hvenær? Halló það er að koma að þeim og þetta er verulega aumingjalegt slúður að mínu mati. Ég hefði getað giskað á þetta líka án nokkurrar hjálpar.

Sem sagt við skulum bara halda ró okkar og dást að 19 mánuðunum okkar!

Biðtími

2007-06-11T08:48:00.000Z

Þá er það hinn margrómaði biðtími. Það verður ekkert að frétta fyrr en eftir fyrsta lagi viku held ég. Ég setti samt inn tvo nýja teljara sem telja niður að upplýsingum. Annar telur niður til 4 júlí og hinn telur niður til 6 ágúst. Sjáið bara hvað það er stutt eftir. Jafnvel þó horft sé á ágúst þá er samt ÖRstutt eftir og eins gott að fara að skrifa lista yfir allt það sem á eftir að gera áður en lítið barn kemur á heimilið JÆKES!!!!

Júlí eða ágúst, ágúst eða júlí, júlí...

2007-06-08T08:17:00.000Z

Raunveruleiki?

2007-06-07T07:39:00.001Z

Þá er ekki eftir neinu að bíða og best að henda sér í kalda djúpa vatnið. Þetta er ekki svartsýnishjal sem ég ætla að setja fram hér heldur raunsætt mat á þeim upplýsingum sem við höfum fyrir framan okkur. Ég get ekki sagt með "við erum næst" af fullri alvöru því það er alls ekki víst að við verðum næst! Tölurnar tala sínu máli.
Apríl: Upplýsingar um umsóknir 25-26 okt 2005 Tveir dagar
Maí: Upplýsingar um umsóknir 27-okt-01 nóv 2005 Sex dagar
Júní: Upplýsingar um umsóknir 02-7 nóv 2005 Sex dagar
Alls 14 dagar á þremur mánuðum

Ef júli fer eins og júní þá erum við ekki inni.
Hér eru nokkrar leiðindatölur fyrir nóvember en flestir hallast að því í augnablikinu að það verði stjarnfræðilæðilega erfitt að fara yfir hann, því miður:

maí 2007: 1 nóv
Júní 2007: 2-7 nóv.... en það eru 114 LID
Júlí 2007: 8-11 nóv... 115 LID
Ágúst 2007: 12-19 nóv... 102 LID
Sept. 2007: 20-23 nóv... 105 LID
Okt 2007: 24-30 nóv... 128 LID

Auðvitað gæti þetta farið allt öðru vísi. Þeir ættu t.d. að geta farið lengra næst sérstaklega þegar litið er á það að 12 og 13 nóv 2005 var helgi. En það var líka helgi inn í þessum 6 dögum sem komu núna, þannig að í rauninni var bara farið yfir 4 vinnudaga. Fúlt???? Já ekki bara fúlt heldur grautfúlt. Þetta eru tölurnar sem fólk er að velta sér upp úr í dag. Þeir allra BJARTSÝNUSTU segja að í júlí nái þeir fram að 13 nóv. það hefur enn enginn sett 14 nóv með í næsta spáhóp.

Smá update: Það er nokkuð víst að ekki var stór hópur sem fékk upplýsingar þennan mánuðinn. Menn eru að henda á milli sín tölunni 200 fjölskyldur í stað þeirra 600 sem hafa verið undanfarna mánuði. Eina skiptið sem hefur komið svona lítið er þennan fræga tveggja daga skammt sem kom í maí... hvað þetta segir okkur veit ég ekki...

Staðfestingin

2007-06-07T07:32:00.000Z

þarf engin orð um þetta. Ég var þó að vona að þeir mundu uppfæra upplýsingarnar um að búið væri að fara yfir apríl í skoðun en það virðist sem enn sé bara búið að fara yfir mars. Hann er búinn að vera mikið lengur í skoðun en nóvember var á sínum tíma en sá mánuður sló öll met þegar hann var í skoðun. Það má því alveg reikna með að mars sé eins stór eins talað hefur verið um að undanförnu. Fúlt.

Furðulegur mánuður sem heldur áfram að vera furðulegur

2007-06-06T09:28:00.001Z

Besta að setja ykkur aðeins inn í slúðrið. Á þessari stundu eru nokkrir búnir að fá upplýsingar um að þeir sé með upplýsingar. ALLIR sem hafa látið vita eru með LID 7nóv og eru í USA. Það er enginn sem veit neitt í Evrópu og BLAS þegar haft var samband við þá í morgun segist ekki vita neitt og biður umrædda fjölskyldu að hafa það gott í dag. Furðulegt. Það er sem sagt ekki enn kominn lokadagur þó allflestir séu vissir um að það sé 7. Það er ekki búið að uppfæra síðuna og ekki búið að uppfæra innri síðuna heldur.

Loksins er storkurinn kominn

2007-06-05T23:08:00.000Z

þó hann hafi að vísu ekki borið mikið með sér... Það er pottþétt til 7 en spurning hvort það hafi farið einum eða tceimur dögum lengra. Það er ósennilegt en þó þykist einhver hafa séð yfirlýsingu frá fólki með lid 9 að það hafi fengið upplýsingar en enginn annar hefur staðfest það.

update: ég fann bloggið með LID 9 nov og mér sýnist að þau hafi fengið upplýsingar í apríl af því þau skiptu um og fóru í SN... jæja það mátti alla veganna vona

Ekkert enn

2007-06-05T09:09:00.000Z

Þetta er svo furðulegt allt saman. Það er í gangi þetta kerfi á innra netinu hjá CCAA þar sem umboðin borga fyrir upplýsingar og sjá þar hver lokadagurinn er. Þetta kerfi hefur ekki verið uppfært ennþá frekar heldur en ytri síðan sem við höfum aðgang að. Hinsvegar er þetta slúður um að 7 sé lokadagur. Það er búið að hafa samband við fullt af fólki sem er með 10 og 11 og þau látin vita að þau séu ekki með. Það sem mér finnst svo furðulegt er þetta kerfi sem er greitt fyrir. Ég væri ekki til í að borga fyrir einhverjar upplýsingar sem allir aðrir fréttu langt á undan mér án þess að borga neitt fyrir. Skiljið þið hvað ég er að fara? Ef þetta er rétt að 7 er lokadagur þá yrði ég FREKAR fúl ef ég greiddi fyrir að fá að vita það og vissi það viku eða seinna á eftir öllum öðrum! Eitt umboð sem ég heyrði um heldur því stöðugt fram að það séu MIKLAR líkur á því að 11 hópurinn þeirra sé með. Hverju á maður að trúa? Staðfasta orðrúmnum um 7 eða vona að þeir hafi komist lengra? Eitt annað skrítið er að það er stöðugt talað um að 7 sé lokadagur og 10 og 11 hafi ekki komist að en það er ekki mikið talað um 8 og 9. Hvar eru þeir í þessu? ARG eins gott að þetta fari að komast á hreint... Já og eitt enn, sum umboðin halda því enn fram að það sé verið að matcha ennþá og hvernig vita þeir þá að lokadagur sé 7???

Andskotans

2007-06-04T12:23:00.000Z

Það eru komnar óstaðfestar fréttir af því að 7 sé lokadagur. Þetta er hinsvegar ekki staðfest ennþá.

Afsakið hlé

2007-06-01T23:04:00.000Z

Það er komin helgi og ég er farin í sumarbústað og ætla ekki að lesa slúður fyrr en á mánudag...jæja ok kannski á sunnudagskvöldið....

Ein í nóvembergrúbbu sem ég er í hafði samband við umboðið sitt og þar var henni sagt að þeir hefðu verið að tala við kontaktinn sinn í Kína og hann sagði að ekki væri kominn á hreint lokadagur né heldur hvenær upplýsingar yrðu sendar... sem eru bara nokkuð góðar upplýsingar. Síðast komu upplýsingar um lokadag bara einn dag á nokkurs fyrirvara. Kannski gerist það aftur núna??????

Aníveis, farin í bústað ...
Brown girl in the ring
Tra la la la la
There's a brown girl in the ring
Tra la la la la la
Brown girl in the ring
Tra la la la la
She looks like a sugar in a plumPlum plum

Show me your motion
Tra la la la la
Come on show me your motion
Tra la la la la la
Show me your motion
Tra la la la la
She looks like a sugar in a plumPlum plum

Gott að maí er búinn!!!!!!!

2007-06-01T08:47:00.000Z

Þetta er búinn að vera einn furðulegast mánuðurinn síðan ég byrjaði að fylgjast með slúðrinu í mars 2006. Fyrst svaka jákvæðar fréttir, síðan ÞÖGN, síðar mjög neikvæðar fréttir og aftur ÞÖGN og í gær varð allt vitlaust í orðsins fyllstu merkingu út af einhverju bloggi á Spáni. Þar skrifaði viðkomandi eitthvað um að upplýsingar væru komnar og 3 væri með en ekki vitað hver væri lokadagur... og það var eins og við manninn mælt, það trylltist allt. Ég hugsa að þetta tiltekna blogg hafi aldrei fengið eins miklar heimsóknir og það gerði í gær. Það loguðu allir póstlistar og allar grúbbur sem ég er skráð í. Þýðingarvélarnar voru notaðar og allt kom fyrir ekki, það fékkst engin botn í þessa bloggfærslu annað en það sem viðkomandi skrifaði. Held að fólk hafi almennt brennst sig svo á þessum tveggja daga skammt í apríl að bara tilhugsunin um annan eins skammt fær alla til að fara á taugum.

Staðan er hinsvegar sú að það eru enn nokkur umboð sem halda stöðugt fram að þeir nái til 10unda meðan önnur segja 7nda. Það er eins gott að þessi mánuður er búinn og við fáum svör seinni partinn í dag eða á mánudag.

Engar fréttir enn

2007-05-31T07:33:00.000Z

Sögurnar um 7unda sem lokadag eru enn á stiginu R3 en það voru líka sögurnar um "mikið af upplýsingum núna". Mörg umboð segja að það sé enn verið að para á meðan önnur eru farin að hringja í 8unda og láta vita að þau séu ekki með. Ekki er komin nein staðfesting á lokadegi á síðu CCAA, hvorki á ytri síðunni sem við höfum aðgang að né innri síðunni þar sem umboð borga fyrir upplýsingar. Mjög skrítið því þessi umboð sem segja að enn sé verið að para, fullyrða að það sé EKKI komin lokadagsetning. Ég veit ekki hvað á að halda. En við getum svo sem ekkert annað en beðið með öndina í hálsinum. Þetta er eflaust rétt en mikið vildi ég óska að þeir færu allavega til 10 svo við gætum verið viss um að vera með næst.

Svart...

2007-05-30T07:24:00.000Z

Þetta er ekki komið á hreint ennþá. Það er enginn kominn með upplýsingar enn þannig að ennþá er þetta bara R3 sögusögn rétt eins og þetta sem kom áður. HINSVEGAR þá eru nokkur umboð búin að hringja í skjólastæðinga sína og láta vita að þeir hafi ekki náð inn núna. Þeir sem eru með aðgang að CCAA upplýsingunum hafa ekki sagt neitt ennþá þannig að það virðist ekki vera búið að ganga frá þessu.

Það lítur ILLA út

2007-05-29T22:36:00.001Z

Það er kominn R3 staðfesting á því að lokadagsetning verði 7 nov
Þetta ætlar að vera ENDALAUST